Хавакъкъукъ 3
3
Хавакъкъукънынъ дувасы
1Хавакъкъукъ пейгъамбернинъ дувасы. Шиггайон.
2Я РАББИ! Сенинъ ишлеринъ акъкъында эшиттим ве къоркътым!
Я РАББИ! Бизим куньлеримизде Сенинъ ишлеринъни яп,
олар бизим куньлеримизде корюнсинлер!
Амма гъазабынъда мераметни акъылда тут.
3Алла Темандан келеята,
Мукъаддес Алла Паран дагъларындан келе.
Сэла
Онынъ улулыгъы коклерни къаплай,
Онынъ шан-шурети дюньяны толдура.
Сэла
4 #
Эюп 36.32; Ехез 1.27 Онынъ улулыгъы кунеш киби парылдай.
Эллеринден нурлар сачыла,
анда Онынъ къудрети сакълана!
5Онынъ эмиринен йыкъыджы хасталыкъ келе,
Онынъ буюргъанынен ольдюриджи атеш якъа.
6 #
Баш 49.26; Текр 33.15 О турды, ве дюнья салланды,
О бакъты, ве халкълар титреди.
Къарт дагълар йыкъылды,
эски байырлар тер-тегиз олды.
Онынъ ёллары эбедий.
7 #
Къад 7.21
Хушан чадырлары гъамлы алда олгъаныны корьдим,
Мидьян топрагъындаки чадыр перделери къоркъудан титреди.
8 #
Еш 66.15
Я РАББИ, гъазабынъ озенлерге эдими?
Озенлерге ачувландынъмы ёкъса?
Ачувынъ денъизге къозгъадымы?
Не ичюн Сен атларынъа миндинъ,
душманларны енъеджек арабаларынъда бардынъ?
9Сен къабилелерге берген антынъны беджерип,
яйынъны кердинъ.
Сэла
Озенлернен ерни ярдынъ.
10 #
Чыкъ 19.18; Збр 76.17; 92.3 Сени корьгенде, дагълар къалтырады,
коклерден ягъмурлар ягъды.
Буюк теренлик окюрди,
тюпсюзлик къолларыны котерди.
11 #
Ехо 10.12-13
Учкъан окъларынънынъ нурундан,
йылтырагъан мызракъларынънынъ ярыгъындан
кунешнен ай озь еринде токътады.
12Гъазап ичинде ер юзюнден кечесинъ,
ачувынъда халкъларны таптап ташлайсынъ.
13Сен халкъынъны къуртармакъ ичюн чыкътынъ,
сайлагъан падишанъны къорчаламакъ ичюн кеттинъ.
Яман эвнинъ башлыгъыны ёкъ эттинъ,
темелине къадар кестинъ,
масхаралыгъыны ачтынъ.
Сэла
14Манъа къаршы дженкке чыкъкъан аскерлернинъ башлыгъыны
Сен онынъ таягъынен тештинъ.
Олар, фуртуна киби, бизге атылдылар,
санки сакълангъан еринде факъырны ёкъ этмек ичюн,
бизни енъмеге къуванчнен ниетлендилер.
15 #
Збр 76.20
Сен исе атларынънен денъизни кечтинъ,
буюк сувларнынъ далгъаларыны копюрттинъ.
16 #
Эюп 4.14; Збр 118.120 Сени эшитип, юрегим титреди,
дудагъым къалтырап, кемиклерим агъырды.
Аягъым тюбюнде ер саллангъандай олды.
Амма меним халкъыма уджюм эткен душманнынъ башына тюшеджек беля кунюни
сабырнен беклейджегим.
17Инджир тереги ачмаса да,
юзюм пытагъы емиш бермесе де,
зейтюн берекет бермесе де,
тарлада отьмек етишмесе де,
къошта къойлар къалмаса да,
аранда тувар къалмаса биле –
18 #
Збр 12.6; 20.2; 34.9; Ёэль 2.23; Зек 10.7 эписи бир РАББИме къуванырым,
мени къуртаргъан Аллама севинирим!
19 #
2 Пад 22.34; Збр 4.1; 17.34; 60.1 РАББИ-Таалям – меним къуветим!
О, аякъларымны сыгъын аякълары киби тез япаджакъ
ве мени юксек ерлерге алып бараджакъ!
Баш чалгъыджы ичюн. Телли чалгъы алетлеринде.
Àwon tá yàn lọ́wọ́lọ́wọ́ báyìí:
Хавакъкъукъ 3: CTB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Институт перевода Библии, 2016
Хавакъкъукъ 3
3
Хавакъкъукънынъ дувасы
1Хавакъкъукъ пейгъамбернинъ дувасы. Шиггайон.
2Я РАББИ! Сенинъ ишлеринъ акъкъында эшиттим ве къоркътым!
Я РАББИ! Бизим куньлеримизде Сенинъ ишлеринъни яп,
олар бизим куньлеримизде корюнсинлер!
Амма гъазабынъда мераметни акъылда тут.
3Алла Темандан келеята,
Мукъаддес Алла Паран дагъларындан келе.
Сэла
Онынъ улулыгъы коклерни къаплай,
Онынъ шан-шурети дюньяны толдура.
Сэла
4 #
Эюп 36.32; Ехез 1.27 Онынъ улулыгъы кунеш киби парылдай.
Эллеринден нурлар сачыла,
анда Онынъ къудрети сакълана!
5Онынъ эмиринен йыкъыджы хасталыкъ келе,
Онынъ буюргъанынен ольдюриджи атеш якъа.
6 #
Баш 49.26; Текр 33.15 О турды, ве дюнья салланды,
О бакъты, ве халкълар титреди.
Къарт дагълар йыкъылды,
эски байырлар тер-тегиз олды.
Онынъ ёллары эбедий.
7 #
Къад 7.21
Хушан чадырлары гъамлы алда олгъаныны корьдим,
Мидьян топрагъындаки чадыр перделери къоркъудан титреди.
8 #
Еш 66.15
Я РАББИ, гъазабынъ озенлерге эдими?
Озенлерге ачувландынъмы ёкъса?
Ачувынъ денъизге къозгъадымы?
Не ичюн Сен атларынъа миндинъ,
душманларны енъеджек арабаларынъда бардынъ?
9Сен къабилелерге берген антынъны беджерип,
яйынъны кердинъ.
Сэла
Озенлернен ерни ярдынъ.
10 #
Чыкъ 19.18; Збр 76.17; 92.3 Сени корьгенде, дагълар къалтырады,
коклерден ягъмурлар ягъды.
Буюк теренлик окюрди,
тюпсюзлик къолларыны котерди.
11 #
Ехо 10.12-13
Учкъан окъларынънынъ нурундан,
йылтырагъан мызракъларынънынъ ярыгъындан
кунешнен ай озь еринде токътады.
12Гъазап ичинде ер юзюнден кечесинъ,
ачувынъда халкъларны таптап ташлайсынъ.
13Сен халкъынъны къуртармакъ ичюн чыкътынъ,
сайлагъан падишанъны къорчаламакъ ичюн кеттинъ.
Яман эвнинъ башлыгъыны ёкъ эттинъ,
темелине къадар кестинъ,
масхаралыгъыны ачтынъ.
Сэла
14Манъа къаршы дженкке чыкъкъан аскерлернинъ башлыгъыны
Сен онынъ таягъынен тештинъ.
Олар, фуртуна киби, бизге атылдылар,
санки сакълангъан еринде факъырны ёкъ этмек ичюн,
бизни енъмеге къуванчнен ниетлендилер.
15 #
Збр 76.20
Сен исе атларынънен денъизни кечтинъ,
буюк сувларнынъ далгъаларыны копюрттинъ.
16 #
Эюп 4.14; Збр 118.120 Сени эшитип, юрегим титреди,
дудагъым къалтырап, кемиклерим агъырды.
Аягъым тюбюнде ер саллангъандай олды.
Амма меним халкъыма уджюм эткен душманнынъ башына тюшеджек беля кунюни
сабырнен беклейджегим.
17Инджир тереги ачмаса да,
юзюм пытагъы емиш бермесе де,
зейтюн берекет бермесе де,
тарлада отьмек етишмесе де,
къошта къойлар къалмаса да,
аранда тувар къалмаса биле –
18 #
Збр 12.6; 20.2; 34.9; Ёэль 2.23; Зек 10.7 эписи бир РАББИме къуванырым,
мени къуртаргъан Аллама севинирим!
19 #
2 Пад 22.34; Збр 4.1; 17.34; 60.1 РАББИ-Таалям – меним къуветим!
О, аякъларымны сыгъын аякълары киби тез япаджакъ
ве мени юксек ерлерге алып бараджакъ!
Баш чалгъыджы ичюн. Телли чалгъы алетлеринде.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Институт перевода Библии, 2016