Амос 7
7
Сарынчкъа, атеш ве саркъма акъкъында руя
1 #
Чыкъ 10.4; Ёэль 1.4 РАББИ-ТААЛЯ манъа шуны косьтерди:
Мына, падишанынъ пайына тюшкен пичен вакътындан сонъ, отлар янъыдан ешерип башлагъанда, РАББИ сарынчкъаны ёллады. 2Сарынчкъалар мемлекеттеки отны ашап битиргенде, мен бойле дедим:
– РАББИ-ТААЛЯ! Ялварам, багъышла! Якъупнынъ халкъы бунъа насыл даяныр? Кичик бир халкътыр о!
3 #
Ёэль 2.13-14; Юнус 1.6; 3.9 РАББИ фикирни денъиштирди.
– Бу шей япылмайджакъ, – деди РАББИ.
4РАББИ-ТААЛЯ манъа шуны косьтерди:
Мына, РАББИ-ТААЛЯ адамларны джезаламагъа атешни ёллады. Атеш терен денъизни ве топракънынъ бир къысмыны якъып битирди. 5О заман мен бойле дедим:
– РАББИ-ТААЛЯ, ялварам, токътат буны! Якъупнынъ халкъы бунъа насыл даяныр? Кичик бир халкътыр о!
6РАББИ фикирни денъиштирди.
– Бу шей де япылмайджакъ, – деди РАББИ-ТААЛЯ.
7О, манъа даа буны косьтерди:
Мына, Рабби саркъма#7.7 Саркъма – къурулгъан бинанынъ догърулыгъыны тайинленмек ичюн къулланылгъан алет. ярдымынен къурулгъан диварда тура, къолунда да бир къуршун саркъма бар. 8#Йрм 1.11, 13; Ам 8.2РАББИ менден:
– Амос, сен не коресинъ? – деп сорады.
Мен:
– Бир саркъманы, – дедим.
Бунъа Рабби бойле деди:
– Мына, Мен халкъым Исраильнинъ ортасына бир саркъма къояджагъым#7.8 Бу метафоранынъ манасы бойледир: «Диварнынъ догъру къурулгъаныны саркъманен насыл бакъсалар, Мен де, саркъма ярдымынен, халкъым Исраиль догъру я да къыйыш ёлдан кеткенини бакъаджагъым».. Бир даа оларны багъышламайджагъым.
9 #
4 Пад 15.8-12
Исхакънынъ ибадет тёпелери ёкъ этиледжек,
Исраильнинъ азиз ерлери йыкъыладжакъ,
Еровоамнынъ эвине къаршы Мен къылычнен чыкъаджагъым.
Амос ве Амацья
10 #
3 Пад 12.32
Бет-Эльдеки руханий Амацья Исраиль падишасы Еровоамгъа бойле хабер ёллады:
– Амос Исраиль халкъынынъ ортасында санъа къаршы халкъны котере. Топракъ онынъ бу къадар сёзлерини котерип оламаз. 11#Ам 6.7Амос бойле дей: «Еровоам къылычнен ольдюриледжек, Исраиль исе, мытлакъа, озь топрагъындан сюргюн этиледжек».
12 #
Микъа 3.5
Амацья Амоскъа бойле деди:
– Пейгъамбер! Бар, тез Ехуда топрагъына къайт. Анда ашап яша, анда да пейгъамберлик эт. 13#3 Пад 12.29-33; Ам 2.12Бир даа Бет-Эльде пейгъамберлик этме. Бу шеэр – падиша ибадет эткен азиз ердир ве падишалыкънынъ сарайыдыр.
14 #
Ам 1.1
Амос Амацьягъа бойле джевап берди:
– Мен пейгъамбер дегилим, пейгъамберлик япмагъа да – меним зенаатым дегиль. Мен айванасравджым ве хурма тереклерини осьтюрем. 15Лякин РАББИ мени къой-эчкилерден алды ве манъа: «Бар, Меним халкъыма Исраильге пейгъамберлик эт», – деди. 16#Еш 30.10; Микъа 2.6Шимди РАББИнинъ сёзюне къулакъ ас. Сен: «Исраильге къаршы пейгъамберлик этме, Исхакъ эвине къаршы бир сёз айтма», – дейсинъ. 17Шунынъ ичюн РАББИ бойле дей:
– Апайынъ шеэрнинъ бир ороспусы оладжакъ,
огъулларынънен къызларынъ къылычнен ольдюриледжек,
сенинъ топрагъынъ ольчю йипинен пай этиледжек,
сен исе арам ерде оледжексинъ.
Исраиль исе мытлакъа озь мемлекетинден сюргюн этиледжек.
Àwon tá yàn lọ́wọ́lọ́wọ́ báyìí:
Амос 7: CTB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Институт перевода Библии, 2016
Амос 7
7
Сарынчкъа, атеш ве саркъма акъкъында руя
1 #
Чыкъ 10.4; Ёэль 1.4 РАББИ-ТААЛЯ манъа шуны косьтерди:
Мына, падишанынъ пайына тюшкен пичен вакътындан сонъ, отлар янъыдан ешерип башлагъанда, РАББИ сарынчкъаны ёллады. 2Сарынчкъалар мемлекеттеки отны ашап битиргенде, мен бойле дедим:
– РАББИ-ТААЛЯ! Ялварам, багъышла! Якъупнынъ халкъы бунъа насыл даяныр? Кичик бир халкътыр о!
3 #
Ёэль 2.13-14; Юнус 1.6; 3.9 РАББИ фикирни денъиштирди.
– Бу шей япылмайджакъ, – деди РАББИ.
4РАББИ-ТААЛЯ манъа шуны косьтерди:
Мына, РАББИ-ТААЛЯ адамларны джезаламагъа атешни ёллады. Атеш терен денъизни ве топракънынъ бир къысмыны якъып битирди. 5О заман мен бойле дедим:
– РАББИ-ТААЛЯ, ялварам, токътат буны! Якъупнынъ халкъы бунъа насыл даяныр? Кичик бир халкътыр о!
6РАББИ фикирни денъиштирди.
– Бу шей де япылмайджакъ, – деди РАББИ-ТААЛЯ.
7О, манъа даа буны косьтерди:
Мына, Рабби саркъма#7.7 Саркъма – къурулгъан бинанынъ догърулыгъыны тайинленмек ичюн къулланылгъан алет. ярдымынен къурулгъан диварда тура, къолунда да бир къуршун саркъма бар. 8#Йрм 1.11, 13; Ам 8.2РАББИ менден:
– Амос, сен не коресинъ? – деп сорады.
Мен:
– Бир саркъманы, – дедим.
Бунъа Рабби бойле деди:
– Мына, Мен халкъым Исраильнинъ ортасына бир саркъма къояджагъым#7.8 Бу метафоранынъ манасы бойледир: «Диварнынъ догъру къурулгъаныны саркъманен насыл бакъсалар, Мен де, саркъма ярдымынен, халкъым Исраиль догъру я да къыйыш ёлдан кеткенини бакъаджагъым».. Бир даа оларны багъышламайджагъым.
9 #
4 Пад 15.8-12
Исхакънынъ ибадет тёпелери ёкъ этиледжек,
Исраильнинъ азиз ерлери йыкъыладжакъ,
Еровоамнынъ эвине къаршы Мен къылычнен чыкъаджагъым.
Амос ве Амацья
10 #
3 Пад 12.32
Бет-Эльдеки руханий Амацья Исраиль падишасы Еровоамгъа бойле хабер ёллады:
– Амос Исраиль халкъынынъ ортасында санъа къаршы халкъны котере. Топракъ онынъ бу къадар сёзлерини котерип оламаз. 11#Ам 6.7Амос бойле дей: «Еровоам къылычнен ольдюриледжек, Исраиль исе, мытлакъа, озь топрагъындан сюргюн этиледжек».
12 #
Микъа 3.5
Амацья Амоскъа бойле деди:
– Пейгъамбер! Бар, тез Ехуда топрагъына къайт. Анда ашап яша, анда да пейгъамберлик эт. 13#3 Пад 12.29-33; Ам 2.12Бир даа Бет-Эльде пейгъамберлик этме. Бу шеэр – падиша ибадет эткен азиз ердир ве падишалыкънынъ сарайыдыр.
14 #
Ам 1.1
Амос Амацьягъа бойле джевап берди:
– Мен пейгъамбер дегилим, пейгъамберлик япмагъа да – меним зенаатым дегиль. Мен айванасравджым ве хурма тереклерини осьтюрем. 15Лякин РАББИ мени къой-эчкилерден алды ве манъа: «Бар, Меним халкъыма Исраильге пейгъамберлик эт», – деди. 16#Еш 30.10; Микъа 2.6Шимди РАББИнинъ сёзюне къулакъ ас. Сен: «Исраильге къаршы пейгъамберлик этме, Исхакъ эвине къаршы бир сёз айтма», – дейсинъ. 17Шунынъ ичюн РАББИ бойле дей:
– Апайынъ шеэрнинъ бир ороспусы оладжакъ,
огъулларынънен къызларынъ къылычнен ольдюриледжек,
сенинъ топрагъынъ ольчю йипинен пай этиледжек,
сен исе арам ерде оледжексинъ.
Исраиль исе мытлакъа озь мемлекетинден сюргюн этиледжек.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Институт перевода Библии, 2016