Hechos 3
3
Pedropa eperã chiwa bɨ jɨpada
1Ewari aba Pedro Juan ome wãjida Tachi Akꞌõre te waibɨadee a las tres, ma hora judiorã ɨtꞌaa tꞌɨ̃patapꞌedaa hora pada perã. 2Mama Akꞌõre te waibɨade baji eperã chiwa bɨ, ichi tꞌoru weda. Ewari chaa eperãarãpa mãgɨ́ ateepachida mãikꞌaapa bɨnapachida Akꞌõre tede chi Tꞌĩupata Pi–ia apatamãi, pꞌaratꞌa iidipariimerã chi mama tꞌĩurutaarãmaa. 3Mãgɨ́ eperãpa unukꞌãri Pedro mãikꞌaapa Juan Akꞌõre tede tꞌĩu wãda, pꞌaratꞌa iidiji. 4Mãpai ãchia akꞌɨjida irumaa mãikꞌaapa Pedropa mãgaji:
—Taimaa akꞌɨpáde aji.
5Mãgɨ́ eperãpa akꞌɨji, pꞌaratꞌa teedai jĩakꞌaapa. 6Mamĩda Pedropa mãgaji:
—Mɨa wẽe bɨda aji, pꞌaratꞌa, nẽe jida. Mamĩda mɨa pɨ kꞌaripaitꞌee. Jesucristo Nazaretdepemapa mɨmaa nãga oopi bairã, iru tꞌɨ̃de mɨa jararu: pꞌirabáiji mãikꞌaapa wã́ji.
7Mãga jararuta, Pedropa juaraarepema juade jitapꞌeda, pꞌirabai ataji. Aramata ma chiwa bada bɨɨrɨ pia beeji 8mãikꞌaapa pꞌinajɨ̃tɨ bainɨ̃ beeji. Maapꞌeda pꞌɨrrɨa beeji. Ma tꞌẽepai ichi bɨɨrɨpa tꞌĩuji Akꞌõre tede ãchi ome. Jɨ̃tɨjɨ̃tɨa wãji mãikꞌaapa o–ĩapa ɨtꞌaa tꞌɨ̃ wãji Akꞌõremaa. 9Mãga unudakꞌãri, jõmaweda arii pꞌanadapꞌedaarã 10pꞌera pɨkꞌa para beeji. Mãgá pꞌanajida aɨ naaweda ãchia unupatapꞌedaa perã ma eperã su–akꞌɨ bɨ pꞌaratꞌa iidimaa Akꞌõre tede, chi Tꞌĩupata Pi–ia apatamãi.
Pedropa jarada Tachi Akꞌõre tede pꞌanadapꞌedaarãmaa
11Mãgɨ́ chiwa bada jɨpa beeda perã, Pedro mãikꞌaapa Juan ikꞌaawaapa ãyaa wãkꞌaa paji. Ãchi pꞌanajida Akꞌõre te waibɨa ãukꞌidaa, Salomón Pórtico apatapꞌedaamãi. Ãchimaa eperãarã jõmaweda pꞌera pɨkꞌa pꞌira erreujida. 12Pedropa mãga unukꞌãri, mãgaji:
—Israel pidaarã, ¿sãapꞌeda parã pꞌera para bɨma? aji. ¿Sãapꞌeda tai kꞌĩra akꞌɨ jõnɨma? ¿Parãpa kꞌĩsia pꞌanɨkꞌã taipa tachi juadoopa na eperã jɨpajida? 13Tachi chonaarã Abraham, Isaac mãikꞌaapa Jacob ijãadapꞌedaa Akꞌõre Waibɨapa ichi Warra Jesús waibɨara papiji jõmaarã kꞌãyaara, ichia oopi badakꞌa oopachi perã. Mamĩda parãpa mãgɨ́ Jesús jita atadapꞌeda, charraarãmaa teenajida. Maapꞌeda Pilatopa uchia pëiitꞌee pakꞌãri, parãpa kꞌiniada–e paji. 14Eperã tꞌãri pia bɨ pꞌekꞌau kꞌachia wẽe kꞌena pëidai kꞌãyaara, chĩara peeparita parãpa uchiapitꞌaajida. 15Mãgá peepitꞌaajida Tachi Akꞌõre o akꞌɨpipari. Mamĩda parãpa peepidapꞌeda, Tachi Akꞌõrepa chokꞌai pꞌirabai ataji. Taipa mãga unujida tachi taupa. 16Nãgɨ́ eperã jɨpa beeji ichia ijãada perã Jesupa jɨpai. Maperãpɨ jɨpa beeji, parãpa unu pꞌanɨkꞌa. Jesús jõmaarã kꞌãyaara waibɨara bairã, kꞌayaa beerã jɨpai.
17ʼMɨchi aukꞌaarã, mɨa kꞌawa bɨ pãchi poroorãpa mãikꞌaapa parãpa Jesús peepidakꞌãri, kꞌawada–e paji iru Tachi Akꞌõrepa pëida tachi kꞌaripamerã. 18Mamĩda parãpa mãga oo pꞌanɨpa Tachi Akꞌõrepa uchiapiji ichia jaradakꞌa, ichi pedee jarapataarã itꞌaideepa: ichia pëida piutꞌee. 19Mãpai Tachi Akꞌõrepa kꞌĩsia iru badade pia kꞌĩsiadapꞌeda, kꞌachia oo amáatɨ mãikꞌaapa irude ijã́atɨ, irua pãchi pꞌekꞌau kꞌachia wẽpapikꞌoomerã. 20Mãga ooruta pɨrã, Akꞌõrepa parã kꞌãiwee pꞌanapiitꞌee mãikꞌaapa pëiitꞌee Jesucristo, ichia jɨrɨtꞌerada parã kꞌaripapariimerã. 21Mamĩda Jesús atꞌãri Akꞌõre eujãde baitꞌee, Akꞌõrepa ne–inaa jõmaweda chiwidi pɨkꞌa ooru misa, chonaarãweda ichi pedee jarapataarã itꞌaideepa jaradapꞌedaakꞌa. 22Maapai Moisepa tachi chonaarãmaa mãgaji:
‘Akꞌõrepa ichi pedee jarapari uchiapiitꞌee parã tꞌãide mɨ jĩakꞌa. Oopatáatɨ irua jara bɨkꞌa. 23Mãgɨ́ Akꞌõre pedee jaraparipa jara bɨ pedee ũri kꞌiniada–e pꞌanɨɨrã Akꞌõre eperãarã pꞌanɨmãiipa ãyaa jërekꞌooitꞌee mãikꞌaapa peekꞌooitꞌee.’ (Deuteronomio 18.15-19)
24ʼIchiaba Samuel beedakꞌãriipa jõma apemaarã Akꞌõre pedee jarapataarãpa jarapachida tachia ɨ̃rá unu pꞌanɨ. 25Mapa parãpa kꞌawa pꞌanɨ Tachi Akꞌõrepa jarada chonaarãweda ichi pedee jarapataarã itꞌaideepa parã ɨ̃rapemaarã–itꞌee. Ichiaba ichia jarada Abrahammaa parã ɨ̃rapemaarã–itꞌee. Mãgaji Abrahammaa:
‘Mɨa na pꞌekꞌau eujãdepemaarã jõmaweda kꞌaripaitꞌeeda aji, pɨdeepa uchiadaitꞌeerã kꞌapꞌɨa pari.’ (Génesis 22.18)
26Ichia jaradakꞌa Abrahammaa Tachi Akꞌõrepa parã pia ooji, ichi Warra piupꞌeda chokꞌai pꞌirabai atakꞌãri parã tꞌãide. Mãga ooji kꞌinia bada perã parãpa naapɨara ijãadamerã mãikꞌaapa pãchia kꞌachia oopata oo amaadamerã.
Àwon tá yàn lọ́wọ́lọ́wọ́ báyìí:
Hechos 3: sjaB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©2005, 2010, 2015 Wycliffe Bible Translators, Inc. All rights reserved.
Hechos 3
3
Pedropa eperã chiwa bɨ jɨpada
1Ewari aba Pedro Juan ome wãjida Tachi Akꞌõre te waibɨadee a las tres, ma hora judiorã ɨtꞌaa tꞌɨ̃patapꞌedaa hora pada perã. 2Mama Akꞌõre te waibɨade baji eperã chiwa bɨ, ichi tꞌoru weda. Ewari chaa eperãarãpa mãgɨ́ ateepachida mãikꞌaapa bɨnapachida Akꞌõre tede chi Tꞌĩupata Pi–ia apatamãi, pꞌaratꞌa iidipariimerã chi mama tꞌĩurutaarãmaa. 3Mãgɨ́ eperãpa unukꞌãri Pedro mãikꞌaapa Juan Akꞌõre tede tꞌĩu wãda, pꞌaratꞌa iidiji. 4Mãpai ãchia akꞌɨjida irumaa mãikꞌaapa Pedropa mãgaji:
—Taimaa akꞌɨpáde aji.
5Mãgɨ́ eperãpa akꞌɨji, pꞌaratꞌa teedai jĩakꞌaapa. 6Mamĩda Pedropa mãgaji:
—Mɨa wẽe bɨda aji, pꞌaratꞌa, nẽe jida. Mamĩda mɨa pɨ kꞌaripaitꞌee. Jesucristo Nazaretdepemapa mɨmaa nãga oopi bairã, iru tꞌɨ̃de mɨa jararu: pꞌirabáiji mãikꞌaapa wã́ji.
7Mãga jararuta, Pedropa juaraarepema juade jitapꞌeda, pꞌirabai ataji. Aramata ma chiwa bada bɨɨrɨ pia beeji 8mãikꞌaapa pꞌinajɨ̃tɨ bainɨ̃ beeji. Maapꞌeda pꞌɨrrɨa beeji. Ma tꞌẽepai ichi bɨɨrɨpa tꞌĩuji Akꞌõre tede ãchi ome. Jɨ̃tɨjɨ̃tɨa wãji mãikꞌaapa o–ĩapa ɨtꞌaa tꞌɨ̃ wãji Akꞌõremaa. 9Mãga unudakꞌãri, jõmaweda arii pꞌanadapꞌedaarã 10pꞌera pɨkꞌa para beeji. Mãgá pꞌanajida aɨ naaweda ãchia unupatapꞌedaa perã ma eperã su–akꞌɨ bɨ pꞌaratꞌa iidimaa Akꞌõre tede, chi Tꞌĩupata Pi–ia apatamãi.
Pedropa jarada Tachi Akꞌõre tede pꞌanadapꞌedaarãmaa
11Mãgɨ́ chiwa bada jɨpa beeda perã, Pedro mãikꞌaapa Juan ikꞌaawaapa ãyaa wãkꞌaa paji. Ãchi pꞌanajida Akꞌõre te waibɨa ãukꞌidaa, Salomón Pórtico apatapꞌedaamãi. Ãchimaa eperãarã jõmaweda pꞌera pɨkꞌa pꞌira erreujida. 12Pedropa mãga unukꞌãri, mãgaji:
—Israel pidaarã, ¿sãapꞌeda parã pꞌera para bɨma? aji. ¿Sãapꞌeda tai kꞌĩra akꞌɨ jõnɨma? ¿Parãpa kꞌĩsia pꞌanɨkꞌã taipa tachi juadoopa na eperã jɨpajida? 13Tachi chonaarã Abraham, Isaac mãikꞌaapa Jacob ijãadapꞌedaa Akꞌõre Waibɨapa ichi Warra Jesús waibɨara papiji jõmaarã kꞌãyaara, ichia oopi badakꞌa oopachi perã. Mamĩda parãpa mãgɨ́ Jesús jita atadapꞌeda, charraarãmaa teenajida. Maapꞌeda Pilatopa uchia pëiitꞌee pakꞌãri, parãpa kꞌiniada–e paji. 14Eperã tꞌãri pia bɨ pꞌekꞌau kꞌachia wẽe kꞌena pëidai kꞌãyaara, chĩara peeparita parãpa uchiapitꞌaajida. 15Mãgá peepitꞌaajida Tachi Akꞌõre o akꞌɨpipari. Mamĩda parãpa peepidapꞌeda, Tachi Akꞌõrepa chokꞌai pꞌirabai ataji. Taipa mãga unujida tachi taupa. 16Nãgɨ́ eperã jɨpa beeji ichia ijãada perã Jesupa jɨpai. Maperãpɨ jɨpa beeji, parãpa unu pꞌanɨkꞌa. Jesús jõmaarã kꞌãyaara waibɨara bairã, kꞌayaa beerã jɨpai.
17ʼMɨchi aukꞌaarã, mɨa kꞌawa bɨ pãchi poroorãpa mãikꞌaapa parãpa Jesús peepidakꞌãri, kꞌawada–e paji iru Tachi Akꞌõrepa pëida tachi kꞌaripamerã. 18Mamĩda parãpa mãga oo pꞌanɨpa Tachi Akꞌõrepa uchiapiji ichia jaradakꞌa, ichi pedee jarapataarã itꞌaideepa: ichia pëida piutꞌee. 19Mãpai Tachi Akꞌõrepa kꞌĩsia iru badade pia kꞌĩsiadapꞌeda, kꞌachia oo amáatɨ mãikꞌaapa irude ijã́atɨ, irua pãchi pꞌekꞌau kꞌachia wẽpapikꞌoomerã. 20Mãga ooruta pɨrã, Akꞌõrepa parã kꞌãiwee pꞌanapiitꞌee mãikꞌaapa pëiitꞌee Jesucristo, ichia jɨrɨtꞌerada parã kꞌaripapariimerã. 21Mamĩda Jesús atꞌãri Akꞌõre eujãde baitꞌee, Akꞌõrepa ne–inaa jõmaweda chiwidi pɨkꞌa ooru misa, chonaarãweda ichi pedee jarapataarã itꞌaideepa jaradapꞌedaakꞌa. 22Maapai Moisepa tachi chonaarãmaa mãgaji:
‘Akꞌõrepa ichi pedee jarapari uchiapiitꞌee parã tꞌãide mɨ jĩakꞌa. Oopatáatɨ irua jara bɨkꞌa. 23Mãgɨ́ Akꞌõre pedee jaraparipa jara bɨ pedee ũri kꞌiniada–e pꞌanɨɨrã Akꞌõre eperãarã pꞌanɨmãiipa ãyaa jërekꞌooitꞌee mãikꞌaapa peekꞌooitꞌee.’ (Deuteronomio 18.15-19)
24ʼIchiaba Samuel beedakꞌãriipa jõma apemaarã Akꞌõre pedee jarapataarãpa jarapachida tachia ɨ̃rá unu pꞌanɨ. 25Mapa parãpa kꞌawa pꞌanɨ Tachi Akꞌõrepa jarada chonaarãweda ichi pedee jarapataarã itꞌaideepa parã ɨ̃rapemaarã–itꞌee. Ichiaba ichia jarada Abrahammaa parã ɨ̃rapemaarã–itꞌee. Mãgaji Abrahammaa:
‘Mɨa na pꞌekꞌau eujãdepemaarã jõmaweda kꞌaripaitꞌeeda aji, pɨdeepa uchiadaitꞌeerã kꞌapꞌɨa pari.’ (Génesis 22.18)
26Ichia jaradakꞌa Abrahammaa Tachi Akꞌõrepa parã pia ooji, ichi Warra piupꞌeda chokꞌai pꞌirabai atakꞌãri parã tꞌãide. Mãga ooji kꞌinia bada perã parãpa naapɨara ijãadamerã mãikꞌaapa pãchia kꞌachia oopata oo amaadamerã.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©2005, 2010, 2015 Wycliffe Bible Translators, Inc. All rights reserved.