Misee 3
3
Misee u Isirelibɑn wiruɡibu
kirɔ mɔ̀
1Bɛɛ Isirelibɑ Yɑkɔbun bweserun wiruɡibɑ nɑ kɑ yɑ̃.
N ǹ bɛɛyɑ n weenɛ i n woodɑbɑ yɛ̃?
2Adɑmɑ wee i ǹ ɡeɑ kĩ,
kɔ̃sɑ i kĩ.
I rɑ tɔmbu ben ɡɑ̃ɑnu kpuro mwɑɑriwɑ.
Kpɑ i bu yɔ̃su tereru.
3I rɑ bu diwɑ mɑm mɑm nɡe yɑɑ ye bɑ kokɑ bɑ kukunu kɔsukɑ,
mɑ bɑ ye bɔtirɑ bɑ doke wekerɔ.
4Yen sɔ̃nɑ ì n Yinni Gusunɔ kɑnɑ u bɛɛ somi,
u ǹ bɛɛ wisimɔ.
U koo bɛɛ biru kisiwɑ kɔ̃sɑ ye i kuɑ min sɔ̃.
Gusunɔn sɔmɔ
be bɑ Isirelibɑ nɔni wɔ̃kumɔ
5Misee u nɛɛ, wee ye Yinni Gusunɔ u ɡerumɔ sɔmɔ be bɑ win tɔmbu nɔni wɔ̃kumɔn sɔ̃. U nɛɛ,
bɑ̀ n bu ɡɑ̃ɑnu nɔɔ dokeɑ,
bɑ rɑ nɛɛwɑ, bɔri yɛndɑ wee.
Bɑ̀ kun mɑɑ bu ɡɑ̃ɑnu wɛ̃,
kpɑ bu nɛɛ, tɑbu sisi.
6Yen sɔ̃, bɑ ǹ mɑɑ yɑm wɑsi.
Bɑ ǹ mɑɑ win ɡɑri mɔ̀.
Yɑm wɔ̃kurɑ koo kɑ bu sikerenɑ.
Bɑ ǹ mɑɑ ɡɑ̃ɑnu wɑsi.
7Sɔmɔ be, bɑ koo ben wuswɑɑ wukiriwɑ sekurun sɔ̃.
Domi Yinni Gusunɔ u ǹ bu wisimɔ.
8Adɑmɑ nɛ Misee, kon nɑ n dɑm yibɑwɑ.
Domi Yinni Gusunɔ u mɑn win Hunde wɛ̃.
Nɑ ɡem kɑ wɔruɡɔru sebuɑ.
Mɑ nɑ Isirelibɑ, be Yɑkɔbun bweseru ben mɛm nɔɔbu sɑriru sɔ̃ɔmɔ.
Yerusɑlɛmu koo ko bɑnsu
9Bɛɛ Isirelibɑ Yɑkɔbun bweserun wiruɡibu,
i swɑɑ dɑkio i nɔ.
I ku rɑ ɡem kɑ̃.
I rɑ mu ɡɔsiewɑ kɔ̃sɑ.
10Wee i tɔmbu ɡoomɔ,
i ben dukiɑ suɑmɔ i kɑ Yerusɑlɛmu bɑnimɔ.
11Mɑ i nɔm birɑn kɛ̃nu mwɑɑmɔ i sere siri.
Yɑ̃ku kowobu bɑ rɑ ɡinɑ tɔmbu ɡobi mwɑɑriwɑ bu sere woodɑ sɔ̃ɔsi,
kpɑ Gusunɔn sɔmɔbu bu ɡobi mwɑ bu sere win ɡɑri ɡere.
Kpɑ bɑ n sere mɔ̀ bɑ sɑ̃ɑwɑ Gusunɔn tɔmbu.
Gɑ̃ɑnu kun bu deemɑmɔ yèn sɔ̃ u kɑ bu wɑ̃ɑ.
12Tɛ̃, bɛɛn sɔ̃, bɑ koo Siɔni kɛrɑ nɡe ɡbee te bɑ wukɑ.
Kpɑ Yerusɑlɛmu yu ko bɑnsu.
Kpɑ ɡuu te tɑ wɑ̃ɑ sɑ̃ɑ yerɔ tu kikisu kpi.
Àwon tá yàn lọ́wọ́lọ́wọ́ báyìí:
Misee 3: BAR
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bariba Bible © UEEB/SIM au Benin, 1996.
Misee 3
3
Misee u Isirelibɑn wiruɡibu
kirɔ mɔ̀
1Bɛɛ Isirelibɑ Yɑkɔbun bweserun wiruɡibɑ nɑ kɑ yɑ̃.
N ǹ bɛɛyɑ n weenɛ i n woodɑbɑ yɛ̃?
2Adɑmɑ wee i ǹ ɡeɑ kĩ,
kɔ̃sɑ i kĩ.
I rɑ tɔmbu ben ɡɑ̃ɑnu kpuro mwɑɑriwɑ.
Kpɑ i bu yɔ̃su tereru.
3I rɑ bu diwɑ mɑm mɑm nɡe yɑɑ ye bɑ kokɑ bɑ kukunu kɔsukɑ,
mɑ bɑ ye bɔtirɑ bɑ doke wekerɔ.
4Yen sɔ̃nɑ ì n Yinni Gusunɔ kɑnɑ u bɛɛ somi,
u ǹ bɛɛ wisimɔ.
U koo bɛɛ biru kisiwɑ kɔ̃sɑ ye i kuɑ min sɔ̃.
Gusunɔn sɔmɔ
be bɑ Isirelibɑ nɔni wɔ̃kumɔ
5Misee u nɛɛ, wee ye Yinni Gusunɔ u ɡerumɔ sɔmɔ be bɑ win tɔmbu nɔni wɔ̃kumɔn sɔ̃. U nɛɛ,
bɑ̀ n bu ɡɑ̃ɑnu nɔɔ dokeɑ,
bɑ rɑ nɛɛwɑ, bɔri yɛndɑ wee.
Bɑ̀ kun mɑɑ bu ɡɑ̃ɑnu wɛ̃,
kpɑ bu nɛɛ, tɑbu sisi.
6Yen sɔ̃, bɑ ǹ mɑɑ yɑm wɑsi.
Bɑ ǹ mɑɑ win ɡɑri mɔ̀.
Yɑm wɔ̃kurɑ koo kɑ bu sikerenɑ.
Bɑ ǹ mɑɑ ɡɑ̃ɑnu wɑsi.
7Sɔmɔ be, bɑ koo ben wuswɑɑ wukiriwɑ sekurun sɔ̃.
Domi Yinni Gusunɔ u ǹ bu wisimɔ.
8Adɑmɑ nɛ Misee, kon nɑ n dɑm yibɑwɑ.
Domi Yinni Gusunɔ u mɑn win Hunde wɛ̃.
Nɑ ɡem kɑ wɔruɡɔru sebuɑ.
Mɑ nɑ Isirelibɑ, be Yɑkɔbun bweseru ben mɛm nɔɔbu sɑriru sɔ̃ɔmɔ.
Yerusɑlɛmu koo ko bɑnsu
9Bɛɛ Isirelibɑ Yɑkɔbun bweserun wiruɡibu,
i swɑɑ dɑkio i nɔ.
I ku rɑ ɡem kɑ̃.
I rɑ mu ɡɔsiewɑ kɔ̃sɑ.
10Wee i tɔmbu ɡoomɔ,
i ben dukiɑ suɑmɔ i kɑ Yerusɑlɛmu bɑnimɔ.
11Mɑ i nɔm birɑn kɛ̃nu mwɑɑmɔ i sere siri.
Yɑ̃ku kowobu bɑ rɑ ɡinɑ tɔmbu ɡobi mwɑɑriwɑ bu sere woodɑ sɔ̃ɔsi,
kpɑ Gusunɔn sɔmɔbu bu ɡobi mwɑ bu sere win ɡɑri ɡere.
Kpɑ bɑ n sere mɔ̀ bɑ sɑ̃ɑwɑ Gusunɔn tɔmbu.
Gɑ̃ɑnu kun bu deemɑmɔ yèn sɔ̃ u kɑ bu wɑ̃ɑ.
12Tɛ̃, bɛɛn sɔ̃, bɑ koo Siɔni kɛrɑ nɡe ɡbee te bɑ wukɑ.
Kpɑ Yerusɑlɛmu yu ko bɑnsu.
Kpɑ ɡuu te tɑ wɑ̃ɑ sɑ̃ɑ yerɔ tu kikisu kpi.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Bariba Bible © UEEB/SIM au Benin, 1996.