Àwọn Ẹsẹ Bíbélì Tí Ọ̀pọ̀ Èèyàn Mọ Buzuk ka Abud’a 10

Pín

Ma didina mi de mi Moise ala: Ang i gen Faron, kayam ni an ba ni b’alam hurum kazungeî mama, kayam an nde kahle man suma simata woi adigaziya. Ni kayambala ang mba de zla ndata woi mi grongâ ki grong ngolona ala ni nana ba, an ngop Ezipte-na kahle suma simat suma an lazi adigazina ge? Ni hina ba, agi mba wagi ala an ni Ma didina.

Ma didina mi de mi Moise ala: Ang hlabong akulo hur alona, nduvunda mba d’i mba yam ambasa. Ni nduvun nda sana mi ndak á dot kabomba. Moise mi hlabom akulo hur alona, nduvun nda i’îlika ti mba yam ambas sa Ezipte-d’a pet gak burâ hindi. Sa nga mi we ndram mbi, sa nga mi djok kei ata yima mam nga kaka kuana d’uo mi gak burâ hindi. Wani b’od’a ti nga ni ata yima Israel-lâ a nga kaka kuana hol.

Moise mi hle totogo mamba akulo yam ambas sa Ezipte-d’a. Ma didina mi mbeï ki simet ma abo ma yorogonina yam ambasa. Simet ma abo ma yorogo máma, mi tin sira kur bur máma gak tcha avin yorogo, mi mba ki djera. Djera ti b’rau woi yam ambas sa Ezipte-d’a pet, avun dabid’a hi haga mata mi. Avok dedei pî, djera mba nga hina yat tu d’i, mba d’i mba bugol hina d’uo mi.