Àwọn Ẹsẹ Bíbélì Tí Ọ̀pọ̀ Èèyàn Mọ Wlɔ 3

Pín

‑Masa, ncɛlɩa 'fɩan ya nyinyi nʋ, 'nyɩ ma 'tanɩa Laagɔ 'la 'klʋagbaa nɩkplaan ‑kʋ. ‑Ma Laagɔ 'la dananɔa nɩkplaan, ɔ plenɩ maa 'kʋnylugolunya 'kpɔkpɔ, sa Zozi Klisi ya maa gbʋʋnsa na.

Laagɔ 'la 'kʋnylugolulɩɛa ‑kʋ ‑ɩ ‑nyɩɔ maa ‑tɛtɛa ‑ɔ zʋ 'lɛ mala pɔɔtɛtɛa Zozi Klisi 'kʋ na, 'nyɩ ɩ 'ta nɩkplaangbazlɩlɩlɩɛɛn ‑ka.

Ɔmɔ Laagɔ ‑sa 'lɛ le ɔ 'plɩ maa ‑tɛtɛa ‑ɔ ‑ka 'lɛ ɔla pɔɔtɛtɛ na, mala nyinyia 'la ‑aghlɛ, ɔla ‑dolua 'la sakɔsɔlɩɛ nɩkplaan, ɩya ɔ 'ka pala lebhe nyinyia ncɛlɩ nʋ 'lɛ ‑godogodoa 'nyɩ ɔ 'ta 'lɛ maa ɩla gbaylia ‑sa na, ɩ ‑glɩa ɔla 'kʋnylugolulɩɛa 'la ghleda, daa ɔ klaa 'lɛ pɔlɛ na. Na, ‑pɔtɔnʋ ‑ma, ɔ pala ɔla 'kʋnylugolulɩɛa, le ma 'ka cibhlili lebhe ɔ ‑glɩ 'kʋnylugolunyɔ, ɩya ɔ 'ka ɔmɔa ‑ɔ ‑ka 'lɛ Zozii 'la pɔɔtɛtɛ na, 'kʋnylugolunyɔ ple.

Dɛ Laagɔ ‑deliin, ‑jlɩmaa 'la 'kʋ 'plɩlɩɛa cɩ 'ta 'lɛ nclɔɔ bhlogbɩɩ 'kʋnylugolunyɔ ple, sa nyinyi 'la cibhlililie ‑tɛɛ ‑jlɩmaa lamʋ 'lɛ.

Sa, ɩ ‑zieo lebhe: 'Kʋnylugolunyɔ 'ta 'kʋ, bhlogbɩɩ 'bhebhee 'ta ‑kʋ. Dɩgalɩnyɔ bhlogbɩɩ 'ta ‑kʋ, bhlogbɩɩa 'bhebheea ‑ɔ ka 'lɛ Laagɔ 'matɩ na, ɔ 'ta ‑kʋ. Maa 'fɩan ya ‑gugonanɛa 'kʋ 'wlʋ, nebhlogbɩɩ, ma ya ‑abhɔlɛnya 'plɩ, bhlogbɩɩa ‑ɔ ka 'lɛ 'nanɩ nʋ na, ɔ 'ta ‑kʋ, bhlogbɩɩ 'bhebhe 'ta ‑kʋ.

‑Masa, ‑a gugu lebhe pɔɔtɛtɛ, ɛmɛ ‑ɛ ple 'lɛ nclɔɔ 'kʋnylugolunyɔ, ‑ma ‑n 'ta ‑jlɩmaa 'la nʋnʋgbɩaa.

Ɩ 'ta sɛɛ ‑kʋ, ɩ ‑sa 'tɛɛ 'dɛ! ‑Ma ‑a cibhlili lebhe Laagɔ ‑glɩ ‑nʋawlɛ 'nyɩ nclɔɔ ‑glɩ 'lɛ yodizʋnyɔ, sa ɩ ‑zieo lebhe: Ɩ ‑fata lebhe ‑naa wɔɔnyɩtʋa nɩkplaan, ma cibhlili lebhe ‑n ‑glɩ 'kʋnylugolunyɔ ɩya ma ‑kɔɔ 'tɩtɩpla na, ‑naa wɔlɩ ‑sɩa maa.