Àwọn Ẹsẹ Bíbélì Tí Ọ̀pọ̀ Èèyàn Mọ Efz 6

Pín

Sa ‑n 'ta ‑aya ‑dolu ɩya 'nyɛkɛa 'tɩtɔ 'ta 'lɛ, ‑ma 'tɛtɩa ‑ɩ ‑ka 'lɛ ‑jioli ɩya ‑kwleliea na, ‑aya 'tɛtɩa ‑ɩ ‑kwle 'lɛ 'tutua ɩya devlowugwi ‑ɩ ‑kʋ 'lɛ ‑laagɔa nɩkplaan na, ‑ayɩɩsɩ 'tɩtɔ 'lɛ.

Na, ‑tɛtɛa 'fɩan nɩkplaan, a bhibhie ɩya a 'clalɩ. A bhibhieli clɩɩa ‑tɛtɛa 'Wugoa 'la klalɩlɩɛa nɩkplaan. Ɩla gbʋ na, a gblɩbhalɩ, a vi ‑nwɔ, a bhibhie ‑kplɔkplɔnyaa ‑tɛtɛa 'la da.

A zʋ tavʋlɩɩa 'fɩan Laagɔ nyɩ 'lɛ na cɩ, ɩya a 'ka mino, a 'ka 'nyuglo kpaan, gɔzɛ 'la ‑kplakpla -nʋnʋgbɩa 'kʋklʋʋn.

Ɩla gbʋ na, a 'ma Laagɔ 'la tavʋlɩɩa, ɩya clɩɩ ‑nyinyia nɩkplaan, a 'ka mino a 'ka 'tɩtɔ ɩya ‑tɛtɛa 'fɩan ‑ka 'wluko na, a 'ka 'nylugo kpaan.

A ‑gbɛ ɩmɩ ‑naa ‑tɛtɛa 'fɩan 'kʋ pɔɔtɛtɛ 'la ‑jɩpɛa. Ɛmɛ ‑ɛ -cɩ ka 'lɛ gba ɩya a 'ka gɔzɛ 'la 'papalɩɩa ‑tɛtɛa ‑ɩ bhu 'lɛ na ŋomu. A zʋ gbʋʋnsalɩɛ 'la tavʋkpoonkpoa ɩya a 'ma 'Wugoa 'la tavʋlɛtɛa, ɩ sa ‑zɔn le Laagɔ 'la wɔɔnyɩtʋa.

Na, a 'nylugo kpaan! A gʋalɩ ‑nʋawlɛ acɩ cɩ 'bɛtʋ 'bhisa, a 'ma 'kʋnylugolulɩɛ, a wɔlɩ ala dinia 'kʋ ɩya Dɩnanɩa* ‑ɩ ‑lamʋ 'lɛ pupue na, a zʋ ɩla ‑salɩɛa 'la 'tʋa kpliin le ‑gbanbʋɩ 'bhisa.

Na, n 'ka 'lɛ 'wluko na, n cla anyɩ lebhe a 'manɩ 'tɛtɩ ‑Kwlenyɔ 'la 'tɛtɩ 'kadɩa nɩkplaan.

'Nyɩ ‑n 'nɔ ɩya ‑n to 'klʋ , ɩ ‑glɩ ‑bɛka ‑jlɩmaa ‑ndanyɩtalɩɛ ‑gbɛ 'lɛ 'kʋ na, ɩya ‑n ka 'nanɩ kʋ ɩya ‑n ka ‑dʋdʋa 'kʋ ‑gwlɛlɩ.

'Cuonyɩ, a zʋ ala valɩnya, ‑Kwlenyɔ nɩkplaan, sa ɩ ‑gɩlɩɔ 'ciin na.