Àwọn Ẹsẹ Bíbélì Tí Ọ̀pọ̀ Èèyàn Mọ Efz 1

Pín

'Naa ɔ kalɩ ala pɔlɩa ɔla zezelia gbine, ɩya a 'ka pɔlɛkʋtɛlɔa ɔ la 'lɛ anyɩ 'kʋ na cibhlili, ɔla 'klʋagbaa 'la 'ghlilo, ‑aja ɔ 'wlalɩ 'lɛ aya ‑kplɔkplɔnyaa 'kʋ, ɩya 'tɛtɩ 'kadiea ɔ pala 'lɛ ‑anyɩa ‑ɔ ‑ka 'lɛ ɔla pɔɔtɛtɛ na 'la gbʋ na. Ɩmɩ ɔ 'plɩlɩ 'lɛ Klisi 'kʋ, 'nyɩ ɔ ya 'lɛ pala, daa ɔ ‑bhoo 'lɛ 'kwɩɩn 'kʋ 'nyɩ ɔ zʋɔ 'lɛ ‑laagɔɔn, ɔla 'lipasɔa 'kʋ sakʋda na. Na, Klisi ‑zilo ‑kwleliea ‑tɛtɛa, ‑kwletɛtɩa ‑tɛtɛa, 'tɛtɩa ‑tɛtɛa ɩya 'ŋlɩa ‑tɛtɛa -ɩ cɩ 'lɛ 'kʋzilo na 'kʋ, ‑n 'ta le 'bhlɛsʋʋ ‑naa ‑tɛɛ nɩkplaan, ‑ma 'bhlɛsʋan ‑ʋ ci 'lɛ 'yɛpɩ na nɩkplaan -masɛɛ.

Ɔmɔ nɩkplaan, 'fɩɔn ɩya ‑laagɔzɔan 'ka 'lɛ ‑nʋɔ na, ɔ ya ‑anyɩ desla le ‑a ka ‑kplɔkplɔnya 'plɩ ɔla ‑deliin, ɩya ma 'la ka ‑anyɩ 'gesalɩda 'lɩ. Ɔla ‑wawʋa nɩkplaan, ka ɔ wabhaa 'lɛ bhɔdaa tooto le ɔ 'ka ‑anyɩ ɔla 'cuo ple, Zozi Klisi nɩkpaan. Sɛɛ ɩ ‑plɔɔ 'lɛ 'tʋ le ɔ nʋ, ɔla ‑danaanɔa 'la gbʋ

‑A ‑yɔɔsɔ 'la nebhloplɩlɩɛa nɩkplaan, ɔla ‑dolua 'la gbʋ, ‑a ya geyliin 'wlʋ. Ɔmɔ nɩkplaan, ‑ala ‑ngasɩtʋlɩɛa ya valɩɛ 'lɩ, ɔla ‑wawʋ 'kadie 'la 'sasʋʋn.

‑A wo Laagɔ ‑evli, ‑ala ‑Kwlenyɔ Zozi Klisi To! Klisi nɩkplaan, ɔ ya ‑anyɩ 'Wugoa 'la 'nyupalɩɛa ‑tɛtɛa 'fɩan 'nyɩ, 'yɛpɩ ‑laagɔɔn.