Àwọn Ẹsẹ Bíbélì Tí Ọ̀pọ̀ Èèyàn Mọ Apocalipsis 10

Pín

Iraɨe jaɨenicɨ ie trompeta ja fiite. Filla mei, bie facaise Jusiñamui ie facaina lloraɨnɨ mɨcorɨaɨmo jaie lloga rafue suite. Comɨnɨ naie rafue jaie raise cacaiñedɨmacɨ; ia iena ja raise cacaitɨmacɨ —llote.

Cuemo dane llote: —Omo cue llolle rafuena lloitɨo. Ailluena comɨnɨmo ɨco suille rafuena lloitɨo. Illaɨcomɨnɨmo ɨco suille rafuena lloitɨo.

Ie facaise Jusiñamui illanomona enɨruemo jɨaɨe jaɨenicɨ billana cɨodɨcue. Naimɨemo Jusiñamui uai eo ite. Uillɨe motomo naimɨe ite. Naimɨe ɨfogɨ afemo ameo ite. Naimɨe uieco jitoma isoi quenirede. Naimɨe ɨdaɨ eo boode amena isoi eruaɨde.

Ie jira jaɨenicɨ dɨne cue jaillanona: —Iena cuemo ine —llotɨcue. Uai ote: —Iena ono. Iena mai guiño. Cɨifo isoi o fuemo iena cacaitɨo; iadedɨ o jebemo erɨrede ra isoi iena cacaitɨo. Llɨnua mei, iena guitɨcue. Cɨifo isoi naɨmerede rana cacadɨcue; ia guilla mei, erɨrede ra isoi cue jebemo ite.