Àwọn Ẹsẹ Bíbélì Tí Ọ̀pọ̀ Èèyàn Mọ Noca 19

Pín

Eꞌe, eya cueyanaje ojjaña jjapeequi meeya Eyacuiñajji nijje. Eyaya mi jayojja pea cuana ba sa aña —jamaya Jesosa cua.

—Eyacuiñajji, miya quea bame nee nee. Miyaya Jesosa huoojeanaje ecuea Emeshi Mese epojji jjeya nei. Ecuana quea bihui nee nee. Ojjaña meshijo baꞌe cuana, eyajo baꞌe cuana peaꞌai quea bei cuani —jama sohuicuayameya cua cuana.

Jesosaa oya jama huohuime aca cua baꞌa: —Eꞌe de, miya Jodio dejja nei, jamatii miya Eyacuiñajji nijje jjapeequi jjima cuanaje. Jjeya ca ca miya eꞌe jojo nei jjapeequi sa cuani Eyacuiñajji nijje.

Jesosa jjayejjeꞌajjaquia cua acui aa biajje Saqueo anijje. Majoya aje ohuaya bajeasohua majje jama aca cua baꞌa: —Saqueo, ¡oqueꞌyocue! Jjeyahua nei iña poquije miquea equi yasijje aniya! Majoya aje oya nequioqueꞌya cua. Majoya aje nequioqueꞌyo majje poquia cua ojaya equi yasijje Jesosa nijje. Oya quea bihui cua.

Majoya aje dobiquia cua Jesosa Saqueoja equi yasijje. Quijje pishana ijjiaꞌijjiajeyo majje Saqueo nequisohuaꞌya cua. Ohuaya Jesosa jama huohuime aca cua baꞌa: —Eꞌe de, jjeyahua eyaya aemaꞌ cuana huasijje bejjo quiaje esejja. Eya siipojji nei cuanaje, de. Jjeya ca iña siipo sa poꞌyo ajja. Jamaya eyaya aje baꞌa: Eyaya oe bejjo siinaje, eyaya quiajeꞌyo ebeca pee peaꞌai bejjo. Eya mimishi po sa poꞌyo ajja. Eꞌe jojo nei ecuea esohui jjeya. Siajje pojjeama cuani —jamaya Saqueo cua.

Majoya Paniseo dejja cuaa quea dejja huiso pejjejo nequiya sohuicuayaqui shajjaꞌajja majje quea quene nee nee cua. Jamajjeya oya cuaa Jesosa jama huohuiꞌajjame aca cua baꞌa: —Jesosa, ¡miquea epeejji cuana huohuicue: “¡Aꞌa sohuicuayajji!” acue! —jamaya cua Paniseo dejja cuana. Majoya aje Jesosaa jama sajaꞌame aca cua baꞌa: —Chojja de, eyaya ecuea epeejji cuana: “¡Aꞌa sohuicuayajji!” ajo, mei sohuicuayaje, de. Ojjañaa jja ca oe jjeya cabihuia cahua Eyacuiñajji —jamaya Jesosa cua.