Àwọn Ẹsẹ Bíbélì Tí Ọ̀pọ̀ Èèyàn Mọ Huani 15

Pín

Eya jjono emaijje quea pame nee jayojja. Miquianaya jjono emaijo pohuani jayojja. Jjono emaijje jjasejjaquiꞌyo majje nojinojije. Jocaꞌyajo chichaꞌyo majje dahuajea caꞌyani cuaa. Oya jayojjaya ojjaña enijje jjapee pajeaquiꞌyani cajaa acani. Joya enijje jjapee tiitiiquiani ca ca eya jjapee tiitiiquijeꞌyo onijje peaꞌai. Jamajjeya oya cuana ma dejjaa ajjima acani quea huiso ameejeꞌyo.

¡Enijje jjapee tiitiiquicue! Jamajjeya eya miquiana nijje jjapee tiitiiquijeꞌyo. Jamajjeya miquianaya ma dejjaa ajjima acani ameejeꞌyo. ¿Aꞌa jjono emaijje jjasejjaqui majje jjajjaje soꞌo? Chojja. Jamaya miquianaya enijje jjapee pajeaquiꞌyo majje quea pame po ajja. Emaijje jjasejjaquiꞌyo jjima jjono jjajjani —Jesosa poanaje.

Eꞌe, miquianaya enijje jjapee tiitiiquianijo, ecue sohui jayojja jama atiitiiañajo peaꞌai, Eyacuiñajjiya joya ecua miquianaaya huohuinaje jamaya acaje onijje mimiyajo.

¡Bacue, oe! Eya miquianajaya ebabaca pojjeama. Eyaya ca ca miquianaya babacaꞌyonaje ecuea epeejji epojji. Eyaya miquianaya huoojeaña ecue Chii nijje quea pame nee chacohua. Jamajjeya ¡pea cuana enijje jjapeequi meesahuacue! Jamajjeya enijje jjapeequianijo miquianaya cojjacahuianijo. Eyacuiñajji nijje emimijji ohuaya miquianaya sajaꞌa acaje —Jesosa poanaje—.

Ojaya epeejji quea jea nee nee acani oe dejja manojeꞌyo ojaya epeejji nahuejo. Jamajjeya ¡ojaya oja epeejji quea jea nee nee poanijo nahue cani!

Bashococo ai cuiñajjiya yaa sisi nojinojiꞌyajo tetojea caꞌyani jjajja ajjajojo. Eña ba chii tetojea caꞌyani peaꞌai, jjono quea jjajja huiso epojji. Jiquio ecua jjono bashococo ai cuiñajjiya yaa enojinoji tetojea caꞌyani jayojja jama ecue Chiiya ecuea epeejji nisho cuana cajaa acani. Jiquio ecua eña ba chii tetojea caꞌyani jayojja jama epeejji eꞌe jojo nei cuana mimishi pajea mee cani, quea pame nee nee epojji.

Eyaya miquianaya huohuinaꞌyaña jama baꞌa: ¡Pea cuana quea jea nee nee acue! ¡Jiquio ecua eyaya miquianaya quea jea nee nee aña jamaya acue cuana!

Miquianaya ma dejjaa ajjima amee cani ba majje pea cuaa huohui caje jama baꞌa: “Eꞌe, Eyacuiñajji quea caꞌa nee. Jiquio dejja cuana eꞌe jojo nei Jesosa shajjaꞌajjajji cuana” acaje cuaa.

Majoya ejiojjijje poquijeya Jesosaa ecuana huohui canaje: —Eyaya esohui mi ba meesahuajji huohuije uvajo, bashococo ai jayojjajo. Eya bashococo ai emaijje quea pame jayojja jama poani. Ecue Chii bashococo ai cuiñajji jayojja jama.

Eya jjono emaijje quea pame nee jayojja. Miquianaya jjono emaijo pohuani jayojja. Jjono emaijje jjasejjaquiꞌyo majje nojinojije. Jocaꞌyajo chichaꞌyo majje dahuajea caꞌyani cuaa. Oya jayojjaya ojjaña enijje jjapee pajeaquiꞌyani cajaa acani. Joya enijje jjapee tiitiiquiani ca ca eya jjapee tiitiiquijeꞌyo onijje peaꞌai. Jamajjeya oya cuana ma dejjaa ajjima acani quea huiso ameejeꞌyo.

—Eyaya jiquio esohui huohuiaña miquiana quea bihui po meejji. Eꞌe, eyaya miquianaya quea bihui nee nee po mee sa aña.

Eꞌe, eya ecue Chiija quea jea nee nee poani, eyaya ojaya esohui jayojja jama atiitiiañajo. Jamaya ecuea esohui jayojja jama poanijojo, miquianaya ecuea quea jea nee nee poani peaꞌai —Jesosa poanaje.

Jamajjeya eyaya miquianaya huohuinaꞌyaña jama baꞌa: ¡Pea cuana quea jea nee nee acue! —Jesosa poanaje.

Miquianaya dejja mimishi jayojja baꞌe jojjemo ojaya quea jea pome miya ojaya pea epeejji quea jea jayojja. Jjeyahua nei miquianaya ona jayojja pojjeama, eyaya miquianaya babacaꞌyonajejo. Jamajjeya miquiana nijje quea quene nee nee poani dejja mimishi cuana.