Àwọn Ẹsẹ Bíbélì Tí Ọ̀pọ̀ Èèyàn Mọ Gn 27

Pín

Tzajxwit tq'o'n Qman Dyos jb'al tib'aju' ttx'otx'a, tz'elxwit b'a'nju' tawala, nimxwit ttriya ex tlob'aja ub'a tzaj tq'o'n. Nimxwit xjal che ajb'en teya; che kub'xwit meje nimaqtnam twitza. Kawina kyib'aju' titz'ina; ¡che kub'xwit meje twitza! Alkyete maqanin taq'wix tib'aja, taq'wix ktzajel tib'aj, aye'tzu'n mache qanin b'a'n tib'aja, b'a'n tzul kyib'aj, chij.

Atzunte Esawu tma: ¡Qu'nxpe'na'tzunlo Jakob' tb'i okq'o'n!, ¡qu'n tkamaji'n nsb'etju'ye' tu'n ja'lo! Tnejelxi'x sel tiq'i'n woklene' te tnejel k'wa'lb'aj, atzu'n ja'lo matz'el tiq'i'n tky'i'wb'ila weye'. Ta ¿Laytzun chin kyej tky'i'wla'ntla?, chij.

Xi'tzun tma'n Isaak te: Atzu' knajala'ya twitzu' tx'otx' min tq'o'nxi'x tawal, jamin kub'a'xi'x jb'al. Tu'n tk'uẍtx'e'nb'ila k'anq'ila'ya ex k'okyela majen teju' titz'ina; ajtzun tkuwixa, k'eletztzuntza tjaq' tkawb'il, chij.

Atzunte Esawu xitma'n jumajtl: —Ta, ¿Ma noqtzun junju' ky'i'wb'il tu'n tkyej tqani'na? ¡Ex ikxwe' chin tky'iwlankja!, chij. Jaw ttzaqpi'n jumajtlu' toq'el.