Taje lə Amɔs gə́ to yeḛ gə́ kára mbuna njékulbadje’d gə́ Tekoa lé. Némḭdije gə́ yeḛ oo wɔji dɔ Israɛl mee ndəa gə́ Ojias to ne mbai gə́ Juda ləm, Jeroboam, ŋgolə Joas to ne mbai gə́ Israɛl ləm tɔ lé ləb joo ɓad ɓa kar naŋg yə ɓəi lé. Amɔs pana:
Ndu Njesigənea̰ ɓar asəna gə ndu no̰ lə toboḭ bèe mee Sio̰’g ləm,
Ndia gə́ ɓar Jerusalem kara
Yeḛ ar dee d’oo ləm tɔ.
Bèe ɓa mu ko̰ badje gə́ njékul deeje d’aar keneŋ lé
To dan nékəmndoo’g ləm,
Dɔ sém mbal gə́ Karmel kara
Tudu kurum-kurum ləm tɔ.