Àwọn Ẹsẹ Bíbélì Tí Ọ̀pọ̀ Èèyàn Mọ Takwiin 27

Pín

Khalli al-Rabb yantiik karany al-yanzil min al-sama wa intaaj al-ard. Wa yantiik gameh wa khamar jadiid be katara. Khalli al-chuʼuub yakhdumu leek wa l-umam yasjudu giddaamak. Wa abga siid akhwaanak wa iyaal ammak yasjudu giddaamak ! Al-yalʼanak malʼuun wa l-yibaarikak mubaarak.»

Wa Isuu gaal : «Achaan usmah Yaakhuub (maʼanaatah al-najiid), da bas khachchaani marrateen ! Awwal chaal bukuuriiyti wa hassaʼ daahu chaal barakati !» Wa gaal battaan : «Inta ma faddalt leyi baraka waahide kula ?»

Wa Ishaakh abuuh gaal leyah : «Inta taskun fi ard al-ma indaha intaaj wa ma indaha karany al-yanzil min al-sama. Wa inta tiʼiich be seefak wa takhdim le akhuuk. Laakin fi ruwaakhtak al-jaay wa jaay, tidalli tagalatah min kataafeek.»

Wa Isuu gaal le abuuh : «Ya abuuyi, indak baraka waahide bas ? Baarikni ana kula, ya abuuyi !» Wa Isuu gamma yabki baki chadiid.