Àwọn Ẹsẹ Bíbélì Tí Ọ̀pọ̀ Èèyàn Mọ Mar 2

Pín

Eh noq xrib'iraj i Jesús chi je' re', je' wili i xuq'or keh: Re' taqe ma' xta kiyab'ilaal, ma' xta kamaj keh i aj iq'omaneel, re' taqe i yowaab' ra'j ajwaal wach chi keh re' i aj iq'omaneel. Re' hin ma' xin chalik ta chi kisik'ariik i korik wach kik'ux, xin chalik la' chi kisik'ariik aj mahk, inki.

Noq xrilow i Jesús chi kiye'em kik'ux ruuk' i reh, je' wili i xuq'or reh i siik: Wak'uun, re' taqe amahk kuyuuj chik, inki.

Eh je' wo' chik wili i xq'orarik keh ruum i Jesús: Re' hi'limb'al q'iij xkorjik chaloq chi ruhi'limb'aal, ma' ruum taj i hi'limb'al q'iij xkorjik chaloq i tinamit.

Eh ruum chi nujinaq chi tinamit i paat, ma' xkian ta i koq ruk'amariik i yowaab' chuwach i Jesús. Ruum i re', xijohtik kochinaah i paat, eh chi korkiil i Jesús, xkiteh cho riik'b'aal i yowaab', wach ruch'aht wilik noq xkiqasaj chaloq chuwach.

Yu'naak naa taq nuk'uhtaam aweh chi re' hin Ak'uunb'ees nuwii' winaq, wilik wajaawriik ayu' wach ak'al chukuyariik taqe mahk, inki. Je' wili i xuq'or reh i siik: Aweh i hat i nuq'or: Wukteen johtoq chak'am reje ach'aht, tib'ehoq reje, hiy panapaat, inki.

¿Aha' wilik i ma' k'axik ta chi neenuq'or reh i siik noq inakapaaj taq i hat, mi re' chi neenuq'or reh, kuyuuj chik taqe amahk, oon re' chi neenuq'or reh, wukteen johtoq, chak'am reje ach'aht tib'ehoq reje?

Eh re' siik jumehq'iil xpa'lojik johtoq, xuk'am reje i ruch'aht, xelik reje chikiwach i ruk'ihaal tinamit. Ruum i re', xsahchik kik'ux chi kunchelaal, xkiloq'ej i Dios, je' wili xkiq'or: Re' xb'aan wili ma' jank'al ta nqilow, inki taqe.