Àwọn Ẹsẹ Bíbélì Tí Ọ̀pọ̀ Èèyàn Mọ 1 S 15

Pín

Yuj cha, xyaln Samuel 'ixtic: Yel xo wal tzalj Jehová toto tzyiclx tas tzyala, 'a yib'n̈ to tz'ajx tz'a no xajmb'al 'a 'a. Yel xo wach' toto tzchax 'ab'xoc tas tzyala, 'a yib'n̈ to tz'ajx tz'a xepual no calnelu xajmb'al-l 'a 'a.

A tenmtaquil, lajn smul-l yet' eb' tztac' snan 'el junc paxti'; ax pital, lajn wal smul-l 'icha eb' tz'em n̈ojn 'a junc yechel. Yujto xa patquilj can 'el tas xyal Jehová, yuj cha, ach spatquilncan 'eli, ach yi'n 'el 'a reyal, xchi Samuel.

Na coti to a Jehová a tz'i'n chan̈ qui chon̈b' tic, caw may 'aj tzyac' 'es, may 'aj tzjel snab'en, yujto man̈ lajnoc yet' 'anma', xchi Samuel.

Comnoc ma'ix wa'ch Saúl tic reyal. Caw wal tzwab' syal yu'uj, yujto xin spatquilj can 'eli, ma'ix syiclj tas xwala, xchi. Ax Samuel caw xcus sc'ojol, yuj cha, 'ix leslwi 'a Jehová 'a smasnil 'ac'wl cha.