Àwọn Ẹsẹ Bíbélì Tí Ọ̀pọ̀ Èèyàn Mọ Yokaana 14

Pín

Nkubalekera emirembe; emirembe gyange nkugibaweerya. Emirembe gini tinkugibaweerya nkʼensi negibaweerya. Mutakwatwa nnaku mu mitima gyanywe era mutatiina.

OYesu nʼamukoba ati, “Ninje muwanda, ninje mananu era ninje bwomi. Ndoowo ayinza okwiza ewa Ite wange okutoolaku nayakaire mu nje.

“Emitima gyanywe gitaaraara. Mwesige oKanca era njeena muneesige.

Baitu oMujunaaniiri, oMwoyo Akwera, oIte wange gwalibatumira omwibara ryange alibasomesya ebintu byona byona era alibaizukirya buli kigambo kyembakobere.

Buli aikiriza ebiragiro byange nʼabikooraku niye anyendya, buli anyendya alyendebwa oIte wange era njeena nkwiza okumwendya era mmweyoleke.”

Nanje nkwiza okusaba oIte wange abaweerye oMujunaaniiri owondi akwiza okubba naanywe ebiro byona. OMujunaaniiri oyo niye oMwoyo alanga amananu agafa oku Kanca. Abantu ba nsi bazira kumwikiriza kubba tibamubona era tibamumaite. Baitu nywe mumumaite kubba abba naanywe era akwiza kubbanga naanywe.

Naakubaaweeryanga kyona kyona kyemwakusabanga omwibara ryange, leke oMwana aweesye oIte waamwe ekitiinisya. Kyemwakunsabanga kyona kyona, omu buyinza bwange nkwiza kukikolanga.”

OYesu ni yeeyongera nʼakoba ati, “Nimwabba munyendya, mukwiza okukwatanga ebiragiro byange.

Omu nyumba ya Ite wange mulimu ebifo bingi. Nikitaakuli kityo, naakuli mbakobere. Nkwaba okubateekaniriza ekifo.

Ninayaba ni mbateekaniriza ekifo, ndiira okubasyoma mubbenge nanje, leke awendi niwo mubbenge.

OTomasi nʼamukoba ati, “Mukama, titumaite gyokwaba, obwote omuwanda tuyinza tutyai okugumanya?”