Àwọn Ẹsẹ Bíbélì Tí Ọ̀pọ̀ Èèyàn Mọ Mal 6

Pín

Anu bato kǐnge babaka kwande kwǎka ně kɔ̌tɔla Yɛsu ně ngelela* jande te babɛja ně pena ye koja bikoja. Mǒbola Yɛsu abasolela : «Bakakono amena kosǐ kole bato ka moǔmonyebi.»

Anu, Yɛsu abasolela tɛ : «Motatoli* tapekǎ bokuchu kɔsɛ. Ka, talikanǎ ku né bokuchu mokaja kande ka mo kesele kyande ka mo ndabo yande.»

Ka mopena ya olande Yɛsu mo wǎto amɔna kekumva ke bato ka abakwelela lokwa. Mokoba tɛ babɛja bǐki imbɛ mɛgɔgɔ epeki mochungi ka ǐka abaeleja mɛlɔndɔ yabula.

Yɛsu taketa kalɛ mesasa ǎla, akanda né kobekela babɔngɔki bakɛya mabɔkɔ ka abamɔnɛkya mwɛ̌jɔ. Ka Yɛsu asebalala mokopeka ko mwǐmenya kwabɔ. Amɔngɔ nǎla, Yɛsu ǐka alɛnga mo toja aěleja bato itɛnda ja Bɔsɔmwá.

Kosila, Yɛsu abunda ela mekate etano ka ně bila bisɔkɔ bibele asakola mǐsɔ kwǐyolo aseka Bɔsɔmwá. Ka abuka mekate neko longoja ngelela* jande bǎbanye ko bato basɛ. Ka ebila bisɔkɔ bibele nabyɔ bǎ banyela bato basɛ. Bato basɛ baja ka bǐkota. Ngelela* jatɔla biunda bi mekate né bisɔkɔ byasia bajaja bipaka ikomi né bibele.