Àwọn Ẹsẹ Bíbélì Tí Ọ̀pọ̀ Èèyàn Mọ Umak 16

Pín

Ujeso a kung de be le, “Ma gye mbee igye puu le bun kisọm kinunung de bendi puu.

Bendi abe be bọng ha ami, be ba kwa le ikeb Unim angi be shi biwọm abi bi kwu he kuhwo. Be ba ndo ikeb ibibi he lizen ligi. Be ba kọng igie isuso angi be ngye ngi ye. Gbe be kwu ushii he abwo, u sha abe kiwọm ye, be ngwo bezu abe be gwu undi ọ, be do abe ye. Be kung abwo pwọm bendi-angbam, be mbee.”

Undi angwu a bọng ha ami, ma wu-e umbwo, u kwa le likpan kunyọng. Ukpọ undi angwu a bọng ha ami ye, ha a nim.

Bendi-utung Ujeso be le bun kisọm kinunung mbee bipi puu. Ada Ujeso a maa kpel abe, sha aki utung ha abe, u shi biwọm abi bi tyung bendi le kisọm ashi be bun ki yi kigyang a.]

Ushọmate angwuna a de be le, “Ma ndii ye. Mi ngye le ma kee Ujeso angwu Unazaret angwu be ma maa bee he kikpakpa a. U yi nyin ye. A wum le he lihwu ma. Ma nde he kipi be ma kie he.

Ukpọ nyọng be ma nde a shi gye he kushu, be nde kukọ ku tọ mung gbe le ha likwun. Be gbe gye he afee likwun le nde ushọmate a shi kihwọm kifung kwu ha he kigie likwun ashi he kubwo lizen, ki ma ndii abe he kuhwo.