Àwọn Ẹsẹ Bíbélì Tí Ọ̀pọ̀ Èèyàn Mọ Jọn 3

Pín

Koro Abasi akamama ererimbot, oro akanam Enye osio ikpọñ ikpọñ Eyen Esie ọdọñ, ete owo ekededi emi ọbuọtde idem ye Enye okutak, edi enyene nsinsi uwem.

Abasi ikọdọñke Eyen Esie ke ererimbot ndidi ekpe ikpe esie, edi ekedi man anyaña ererimbot oto ke Enye.

Jisọs ama ọbọrọ enye ete, “Ami nda ofuri esit mi ntiñ emi nnọ fi nte, ke osiode owo amana obufa, enye ikemeke ndikut Obio Ubọñ Abasi.”

Koro owo ekededi emi onimde Enye ke akpanikọ ididaha ke ikpe; edi owo ekededi emi minimke Enye ke akpanikọ, ikpe ama etetip enye ama, koro enye minimke enyiñ ikpọñ ikpọñ Eyen Abasi ke akpanikọ.

Ndien emi edi ntak utib ikpe: Uñwana edi ke ererimbot, edi mme owo ekema ekim ekan uñwana, koro mme edinam mmọ ekedide idiọk.

Enye enyene ndidọdiọñ ñkọri ñka iso, kadaña emi ami nsuhọrede.

Owo ekededi emi anamde idiọk, asasua uñwana, ndien enye idinyuñ idighe ke itie uñwana, koro enye miyomke mme oburobut edinam esie ewọrọ ewut idem.

Owo ekededi emi ọbuọtde idem ye Eyen enyene nsinsi uwem, edi owo ekededi emi esinde Eyen idikwe uwem oro, koro iyaresit Abasi odorode enye ke idem.

Kpasuk nte Moses ekemenerede urukikọt okpoho ke enyọñ ke ọkọkọk ke isọñ utatan, kpasuk ntre ke edimenerede Eyen Owo ke enyọñ

Ete ama Eyen Esie ndien ayak kpukpru ñkpọ esin ke ukara Esie.