Àwọn Ẹsẹ Bíbélì Tí Ọ̀pọ̀ Èèyàn Mọ Lomɛ́ŋ 3

Peem ɛ́ɛ́lɛ́ kifal, pátipá pɛ́ɛ́sikɛnɛn ne nukúm nú Támbák. Maná Támbákɛ́ɛ kɛ́ɛ́yɛ́ kɔ́ ɔtɛ́m peseé wɛkɛɛl ɛ́ɛ́ papá indɛ́ndɛ́nɛ kati kuówun pinamá, ó pusíó pú kiáŋuna ekí Yésus Kilíis maáŋɔ́n pɔ́ á kifal.

Támbák éétuéyesi indɛ́ndɛ́nɛ kɛ́ɛ́yɛ́ ó pusío ó pipíóndínyí ɔtɛ́m é Yésus Kilíis. Wɛɛ́kɛlɛ é péépé kitikit páátapanɛ́ɛ, á kiákí ɛ́ɛ́ kuátukan tipá nɛ Yúútɛn na kati Yúútɛn ɛ́ɛ́.

Támbák meekí wɔ́, ɛ́ɛ́ pipítɛkɔ́, ɛ́ɛ́ ne nikú niɛ́yɛ́ úyap pifal pí epé páátapanɛ́ wɔ. Ɛ́ kuɛl kukáánɛ́ weetíínyi ɛ́ɛ́ unyɛ indɛ́ndɛ́nɛ, aná umeésépényí pɛɛnd píínsuá kati kusésitenyi pɔ́ kɔ́ɔ́p á pifal. Índɛ́ anakáánɛ́ umɛɛ́lɛ́ á kisikɛl umeésépényí pɛɛnd. Waákaand etíínyenyi nínúan ɛ́ɛ́ unyɛ indɛ́ndɛ́nɛ. Wɔ́ unyɛ indɛ́ndɛ́nɛ á kisikɛl kitikit, waamba ɛ́ɛ́ ewú waátapanɛ́ Yésuse pá indɛ́ndɛ́nɛ.

Tɛ ɔɔ́kɔ́pɔn ɛ́ɛ́ tɛ mɔɔnd utiányipá indɛ́ndɛ́nɛ ó pusíó pú Támbák á kiákí ɛ́ɛ́ umɛnɛkɛ́n kikotí, Kikotí étíínyenyi yá kémuémue u kifal.

Imfiɔ́ŋ ɔ́ɔ́kɔɔyɔ ɛ́ɛ́: mɔɔnd u indɛ́ndɛ́nɛ tipá, tɛ woomoómí. Tɛ mɔɔnd wɔɔ́pɔnɛ́ utipá, tɛ woomoómí ewú waambanɛ́ Támbákɛ́ɛ utipá. Peem nyɛ paatúkán kí iŋilí yi itámb, peem páatam. Tɛ mɔɔnd utipá wɛɛlɛ peseé, tɛ woomoómí.

Tuápítáka ɛ́ɛ́, mɔɔnd óókoólon indɛ́ndɛ́nɛ á kuátap, kútipá ɛ́ɛ́ woówóónyosi kikotí.

Tɛɛ́ɛ! Maná énumenyí ɛ́ɛ́ Támbák nyɛ kémuémue. Pɛɛnd kitikit nyɛ pasupúsɔp, aná púnyɛɛ́ puɔ́ŋɔ́n: Puɛ́kɛɛsikɛnɛn ɛ́ɛ́ pémeny ɛ́ɛ́ Támbák nyɛ indɛ́ndɛ́nɛ kɛ́ɛ́yɛ́ á tukál, woond upíányɛn aká pékélesié wɔ.