Àwọn Ẹsẹ Bíbélì Tí Ọ̀pọ̀ Èèyàn Mọ Joani 15

Pín

Nime cishamu co bumi, inwe muli mitai. Ukuti mula sigala kwangu neme kwenu kuti mukate lwini imiselo, tamugoli ukutenda icintu cingi uku tanikele.

Musigale mukati kwangu neme kuti nisigale mukati kwenu. Takuli umutai go cishamu ugu gola ukukata gomwini, guli jelele kuba kucishamu. Negwe kugwana ubumi bwita kusigala mukati kangu.

Ukuti mula sigala kwangu no majwi gangu gasa sigala kwenu, mukumbile conse ici mushaka mi kuti citendale kwenu.

Tana mwani shala, kono nana miwa umusebezi ukuti mu aka ibiyago ibingi, ibiyango ibi nabi kalilile, ukuti conse saka mukumbile mwizina lyangu Tata kuti acimiwe.

Takuli ilato ili liita lyeli lyo muntu uju nagawa ubumi kubasele bakwe.

Mi kale akoshagula imitai jonse iji ta jikati imiselo kwangu, ukuti iji ji kata kale aji leka najikata ukuti jikate lwini kuitilila intikanyo.

Intaelo jangu iji, muli shake sinagwe ubu nila mishakili.

Izina lyatata kuti lijanduluke kenu asaka mukate imiselo mingi, no kuliponaza inwe beni buti muli bazigigwa bangu.

Nime igwa lya cote, mi Tata gwangu ne mubyali.

Ukuti tamusigali kwangu, kuti mukoze sinagwe mitai iji jilashowelwi anze, imitai jejo jili botele ukuindigwa no kujishowa ko kujitenta mu mulilo.

Kale nana mi lugwila byebi ukuti uku jangala jangu jikale nenwe buti jenu ji bumbilile.

Ukuti mula bika imilao jangu, kuti musigale mwilato lyangu. Sinagwe anila biki imilao ja Tata no kusigala mwilato lyakwe.

Gogu go mulao gwangu, muli shake.

Ati kwilonga mugwila, kuti limishake kwalyo. Sinagwe ubu likalile, tana mugwila kwilonga, kono nilamiketi anze lyelonga, mpaa muwene limi zimbite.