Àwọn Ẹsẹ Bíbélì Tí Ọ̀pọ̀ Èèyàn Mọ मत्ती 7

Pín

“नीच्योकन जेजन यांन्यालेसिया, रोअच्योकन डोएन्यालेच्या, ध्वांध्वां जाएच्योकन जे नाल्ट झलाप फएन्यालेसिया।

दानाङभन्या जोले नी, ओजन यांसिया, जोले रोंकौ, ओले डोएवा, जोले ध्वांध्वां जाटौ, नकाल नाल्ट झलाप फएन्यालेसिया।”

“नैताइस्यु जोले ङा ईका बचन थटौ, ओटन पालन ढोव, ङा तोलोअ बुद्दिमान रु सकाए दान्जिङा, जोले आझिम चमलयर्त आजाटौ।

रुयाङै जेस जोमनताइन्या ब्यबहार ग्याढोरत्या ऐलेन्या चाहिच्यो, जे बै नकाङसं ओमनटाइन्याई ब्यबहार ढोचिते, दानाङभन्या आका जै मोशाल ब्यबस्था सनर अगमबक्ताङल मुख्या सिक्छ्याल साराम्स हो।

दानाङभन्या जिबनल सतापन्या झलाप साङरो ताहा, ओटन यम अक्कऱ्या ताहा, जोले जिबनल सतापवा, ओटन ना डोएन्याङ थोरै ताइरा।

“साङरो झलापलन भितरलं पसिचिते, दानाङभन्या बिनाशल सतापन्या झलाप वाङन्या सनर यम सजिलो ताहा, आकालन भितरलं पसिन्या रुयाङ तबर ताइरा।”

नैताइस्यु जे दुस्ट ताइस्यु बै जे ज़ायाङजन चान्या जन्तु यांऔ सनच्योकन, स्वर्गत लेन्या जे बौले ओलसं नीन्याङजन ख्वाए भ्याई जाएस्यु चान्या जन्तु कैलेस्यु आमायोवाङ।

“जे अपुऱ्याङल निया ताढोच्यो, ओटन जेमि बै निया माढासिदी। दानाङभन्या जोमनलेस्यु जे अपुऱ्याङल निया ढोच्यो, ओमनलेस्युजै जे बै निया ढास्युनीच्या। जो मानले जे मानच्यो, नैलेस्युजै जे नाल्ट बै मानन्या लेसिया।”

जोले ईका ङा बचन थएस्यु बै मामानिऊ, नकाजन तोलोअ मुर्खी रुसकाए दान्जिसिया, जोले आझिम बाल्वाल यर्त आजाटौ।

दानाङ नङ नभाईल म्युउला धुलोल खाअ रङज्यान, नङ नम्युउल आलिज्यान्या मोन्दाअकने मासनन्दी? अथाबा नम्युउल मोन्दाअ लिज्याकन नङ कैलेस्यु नभाईजन ऐढाऔ ढुदुन, ङाजन नम्युउला धुलोल खाअ हाटौ यांङते।

“ग्वारवा अगमबक्ताङतन होसियार ताइचिते, जेजन रङस्यु जेल्योङ रांन्यालेरा, नकाङ बाहेरङन खिमौक भेडाङमन ताइन्याई ताइरा, भितरङन बअछ्याईला फ्याऊयाङमन ताइरा।” जे नकाङल राज़ाएतन शईन्या लेच्या। ओक्या ज़ुल टुङतन अङ्गुर अथाबा धातन ड्यूल शई टिउसिऊका?

नैलेस्यु स्वाट्टै चान्या टुङले चान्याई शई शशैवा। तर माचान्या टुङले माचान्याई शई शशैवा।

चान्या टुङले माचान्या शई शशहौ माढुदुऊदी, न त माचान्या टुङले चान्या शई शशहौ ढुदुऊ।

चान्या शई माशशैन्या सोगल टुङ पलसिया, ओटन मील झोअसिया।