Àwọn Ẹsẹ Bíbélì Tí Ọ̀pọ̀ Èèyàn Mọ Marukwus 6

Pín

Nlonu, ntuge aza bəgyé ɓə gnyi ɓai ɓe jesnu ɓai lo, ntucenu, to ɓa ɓwa əsa n ɓa ɓá gyi nyagyi m. Wa gna ɓa, “Fye vyi mi əfyehnifyehni ya lo aba n wyiɓe to lo m, yii kwu snu.”

Yeisu wa gna ɓa, “Sheɓəgwognayi to lo ntna mwamwa m, akpəge dna n əwohni əzhi, dna n əwohni azaje atasni jesnu n əwo pwuwai.”

Əsa n Yeisu ɓə gbmitu n əkpma wa gye deeji yaakwo, wa gye ɓa snusnu, ntuge ɓa ɓə zhi ngye aknyi nu ntna knayi. Ntulonu wa ya ɓa nyawu n mwa bəgyé.

To wa wu atuzè dəhodəhoi n ɓo m, akpəge əwo aɓwa n wo ɓə ɓwa kpe n anyasnayi fyewyi jesnu ɓa gwo kágna. Ca wo wo she wo ɓə gye əɓa tnagaiciyaganunui. Nlonu Yeisu wa zna laɓa woi wunya, woi vyi azhi gbmanyi, gbmanyi.

Shi wo ɓə gwo biledi aknana ngwnu-atnu n abmyai ngwnu-aba yii wa kpe əwye wu n əshe, wa sa Shekwoyi ami jesnu wa sa biledi aknana yii ya. Nlonu wa ga əwo amwutuyi ɓa gnaya ga aza. Jesnu wa gna abmya ngwnu-aba yi ya fyi n əɓa vnyanya atasni. Əɓa vnyanya ɓa gyi jesnu nubwo kwa kwu ɓa fwu Amwutuyi ɓa kwu biledi n abmya awyiwoi, acekwnu ngwnu-awoceaba.