Àwọn Ẹsẹ Bíbélì Tí Ọ̀pọ̀ Èèyàn Mọ Luuka 8

Pín

Ama nyabye fyi ń əknyi manai əkwo nu wu aza yi ń ɓa fyi ń ofye jesnu n ədu manai, n ɓa wo ɓədagbma ɓaa kwo shiɓwa, jesnu ntu n bwugbaɓwa ɓo, ɓa ga gyigyi.

Nyabye ń kwo ɓə kaya fyi ń aknawui nyi, əkwo nu wu aza yi ń ɓa ɓə wo, ama əsa ń ɓa fyilo ɓai gyianyì, aɓəsa anyìgyi nya, nyaɓwa ɓədo n agbmada-yei ɓaa ɓa gyice jesnu to ɓa kwó m.

Adəyi ń ɓa ɓə kpe ń apmatala nyi, əɓa nu zhni aza ń ɓa ɓə gwo ɓədagbma n agbmadai she ń ɓa ɓə wo, ama ɓa to ɓə n gbegyei m. Ɓa kwu gaiciyaga əsa fyewyi, ama shi mwumwu ɓe, ɓa myiya.

Wa nya əwo amwutuyi, “Əfye gaiciyaganunui gnyi ń nanu a?” Dna ń ədnawo n ɓəwowoi, ɓa nya aje, “Nyika nu gnyi əwoi a? Kwo ase n nuwnai ɓa vyi əwo ɓəgbetu lo.”

Ado ń ɓa ɓə kaya zhi n zokwo nyi, aza nu ń ɓa wo Shekwoyi ɓəda, jesnu əzanukwoyi wa ɓe waa ɓədagbma kwnu ɓa ń əɓa adu, nabai n ɓa taa ga gaiciya ɓa pwo m.

Ntuge nyaho to ɓwushi lo ń a to ɓə gbmi kwo wu m, jesnu nyaho to pwuanya shi lo, ń a to ɓə gye kwo əwye m, kwo n a to ɓə kpeanyaya wu m.

Nlonu nyikwoza yi, woi gye wo ta myi wa so əwohni to a kpe m, wa gbmiɓe woi vnyi, wa ceakwokwo shi n əwo apitabwada aba. Gnyi ń aza vnyanya abye, wa da ənya ń kwa zhni wo waa to wo əɓwa jesnu ngye shi wa ɓwa kágna nsayisayii. Nlonu wa gna wo, “Nyigwnu, əho gaiciyaganunui kwo la ho kágna, lo n bwugbafui.”

Amwutuyi ɓa lo ɓa kwnu wo agyewyiya ɓa gna, “Dagayi, Dagayi, yi ye ya ɓwunuwna nuu!” Wa laka wa gnaknyi əse n nuwna nyaceii; ase ɓa wnazhi, aɓo vnyanya ɓa kwu nazhi.