Àwọn Ẹsẹ Bíbélì Tí Ọ̀pọ̀ Èèyàn Mọ Luka 6

Pín

Kabuleeno na mbo baalukabudila: mbo bafulusa mu posi di kinkutu kyeno ndambu yimbote, yi batoma ningisa, koma, mboki dyatoma fuluka na kusampa, mu dyambu ti kitezo ki lukwe tezilanga, kyakyokyo mpe baalutezila.»

Muntu wumbote, kwe duukisanga misamu mimbote mu dyambu ti mutima andi wumbote wudi, kansi muntu wumbi kwe duukisanga misamu mimbi mu dyambu ti mutima andi wumbi wudi. Mu dyambu ti makwe duukanga ha munwa, mamomo mafulukidi mu mutima andi.

Kansi zoleeno mitantu myeno, hidikeeno misamu mimbote na defiseeno wulembolo ntentoko. Buna musendo eno waaba wuwunene, mboki balutumisina baala ba Nzambi yi zangama, mu dyambu ti Yandi wumbote kadi ku bantu bakwe lembolo mu vutudilanga matondo na ba na mutima wumbi.

Beno bantu ba nkenda bonso Tata eno.

Lufundisandi ko na lwaafundusu ko, luhaanandi nzengolo ko na lwaabaka nzengolo ko, lemvokileeno na mbo lulemvokolo.

Kansi, nina luteela yeno luna nyuwa na luteedidi ti: zoleeno mitantu myeno, hidikeeno misamu mimbote ku bana lubela, sakumuneeno bana lusinga, sambidileeno bana luyenisa mpasi.

Myo mi lutiidi ti bantu bahiika ba luhiidikila, yeno mpe bahidikileeno myo.

Tala ti muntu wukubendi mbata ha bundi dimosi, mutambila mpe dihiika, tala ti muntu wukubongidi kiyunga kyaku, bika kabonga mpe kinkutu kyaku. Haana ku yondowo wu kulombidi kima, tala ti muntu bongidi kima kyaku, mubwongodila kyo.

Kunani muti wumbote wukwe butanga mbutu zimbi, na muti wumbi wukwe butanga mbutu zimbote.

Mu dyambu ti kadi muti wukwe zabulungu mu mbutu zandi. Bakwe helanga mbutu zi fike mu muti wu nsende ko mpe bakwe helanga mbutu zi muti wu vinu mu minkanga ko.