Àwọn Ẹsẹ Bíbélì Tí Ọ̀pọ̀ Èèyàn Mọ Luka 11

Pín

Mpeleko yeno nkatika bantu bambi ludi, luzebi muhaana bima bimbote ku baala beno. Bila nki Tata eno wu ku yulu kalendi lembolo haanina Mpeve Yilongo ku bana mu lomba yo!»

Meno bwabu nina luteela ti: Lombeeno na baaluhaana, soseeno mpe lwaabaka, konkoteeno na baaluzibudila.

Ni hahoho, wonso waalomba, waatambula, mboki wonso waasosa waabaka na baazibudila ku yondowo waakonkota.

Yesu wubateela ti: «Bu lwaasambilanga, tangeeno ebu: “Tata, bika nkumbu aku yiba yilongo, bika Kimfumu kyaku kiza!

Tulemvokila masumu meto, bonso yeto mpe, tukwe lemvokilanga bakwe tusanga bubi na wutukotisandi mu mpukumunu ko.”»

Tuhaana, bindya byeto bi kadi kilumbu.

Diisu dyaku ni mwinda wu nitu: tala ti dimbote didi, nitu aku yimvimba yaaba mu kya. Kansi ti dibeela didi, nitu aku yimvimba mpe yaaba mu kati di tombe.

Kunani muntu wukwe lemisanga mwinda, na swekidi wo hoti tutidi wo ku nsye kisiku. Kansi kafweti we tentika ha yulu meza, mwanki bantu baakota mu nzo bayena kya.