Àwọn Ẹsẹ Bíbélì Tí Ọ̀pọ̀ Èèyàn Mọ Luk 3

Pín

Yohan thong äng kraw khawngah khrawng kheni a tuilüh pek hüt, äi khaw a Yĕsu la ha tuilüh lawkei. Tuilüh lawkei pänäng Yĕsu la suh tongei ni hawn hongei. Awlaw Asanh chang Khraw hawn känäng khü huih kom bala Ani khrung äng adüm. Äi khaw a hawn känäng asam hngat thawng, “Nang dä Kei käh kekhet nawksaw chaw, nang koong kei awbawng kawpiyaw khäh.”

Yohan la äi khrawng khäla tak, “Kei nangnih a tui äng tuilüh kanang pek. Äini kei thawka bang tha mawh pochongak olo tun. Kei ani käh thanap jäi kusuh aih saw bang tawn nga. Ani la Asanh chang Khraw la mei äng nangnih a tuilüh anang pekai.

Nangnih dä ngulai lawm känäng nini lung nini hleyeyal khaw, nangnih nini mäi saw khrang äng theih pawi dawnei khäl. Awlaw nini puma hawuveyeih saw chah ai chu, ‘Keinih Awbraham chen dä.’ Kei nangnih a kanang tak, ni lung khäl känäng ha Hnadaga la Awbraham chena ibih hnäng khäh.

Thing yungkung awtaih koong hĕi che ächän tawk hmuyei khäh. Mawng thing äng etheih pawi theiyah äm, äi thing che khruk hmueyei awlaw mei äng chawh hmueiyalai.”

Hnadaga sidawng hiyawktih Aijaya käh boih hiyol äng ni huih yoei. Ani la hawu, “Täu lung chinga asam hngat la hĕk bala hawu tun, ‘Nangnih Boi käh lawm pochula che taw khäl, awlaw hlüng nemeitih lawm hngiyal khäl. Khuyung khochawu kheni dekäng uhluhyalaih saw, khuyung len la elekchaw kheni tihtih a hngiyal hmueiyalaih saw, awlaw kolek tih lawm khäl phrongh hmuyalaih saw, awlaw hlüng nemeitih lawm khäl hngiyal hmuyalaih saw, awlaw ngulai känäng Hnadaga la khrawnga ähläh pekalaih koong ibisaw khäl khrawng kheni la ini hmuh ai.’”