Àwọn Ẹsẹ Bíbélì Tí Ọ̀pọ̀ Èèyàn Mọ လုကာ 3

Pín

ယောဟန်ထုံငါအချောက်အခွန်းအွမ်လာ့ငှားမောင်ငို ချောင်မနဲရာ ရေနစ်မင်္ဂလာစိုင်းပိတ်လော့တဲ့ အပိတ်ဟော။ ကိုယ်တော်ယေရှုလော့ဟော ရေနှစ်မင်္ဂလာ ခေါင်းအောင်လော့တဲ့ အဆုတောင်းအောင်တွန်းနာ အာကာဝဟော့ ဟင်းလင်းပွင့်လူးလော့သဲ့ ဘုရားအမွင်ချိုဝဟော့ ဝေါက်ခူဝါလုပ်အုပ်လော့သဲ့ ယအပုဝါအကွန်းလူးလော့ အာကာဝါဟော့ ဘုရားရှင်လော့ ယေရှုဝါ "နောင်းငဟော့ ကေ့ကနိုးအိုနောက်ကဟော့ကစိုးပိုးနော၊ ကေ့လော့နောင်း ကီးကယ်နိုးအိုနောက်ဟလော့ အားကလာ့" သိမ်အဟောက်။

အနီအချိန်ငါယောဟန်လော့ ယနိယာ "ကေ့ယဟော့ ချောင်ငဲ့ တွီးရိုရေနှစ်မင်္ဂလာကစိုင်းပိတ် ကဟော့အမှန်။ ဆိတ်လော့ဟော ကေ့ထောက်ကာပိုလော့ တန်ခိုးစွမ်းအားပြည့်ဝဟော့ချောင် ဖိုးလူးဝိုင့်။ ကေ့ယဟော့ ယဖိနပ်ရွေ့ကဖြုတ်ပိတ်ကိုင်ပထိုက်သန်နဟူ။ ယလော့ချောင်ငဲ့ငါ ဘုရားအမွင်ချို ရေနှစ်မင်္ဂလာအပိတ်လော့တဲ့ မီးရိုသန့်ရှင်း အပိတ်ကိုင်း။

နီကြောင်းငို နောင်းနိဒုစရိုက်ကဲ့နောင်နိ နောင်တသံဝေက အလဟီသိမ် ဆပ်ဝိုတက်သေဘွေတွက်။ 'ကေ့နိငဟော့ အဗြဟံဗုန်းဝါဟော့ အကွန်းလူးကြောင်းငို ဘုရားရှင်လော့အပြစ်ပိတ်လသိမ်' နောင်နိလုံသနောင်နိ ခင်းအင်ဝဲ့တွက်။ နောင်းနိဝါကေ့ကဟော့လအယနိုးပုဝါ ဘုရားရှင်လော့ နီလုံးတောက်ကဟော့ပ အာဗြဟံအစိုးနောင် ဖြစ်အုံအစိုင်းပိတ်ခု။

တိုဝါပ ပေါက်ဆိန်လာက်ကော့တဟော့ ထိန်းငဲ့ အရုန်းပါဝါဟော့စော့ထု အချုပ်ကိုင်းသိမ် အဆင်သင့်အဖြစ်ဟီ။ နီကြောင်းငို အထိုက်ပွယ်ပွယ် ထိုက်ငှားဟော့ထိန်းငဲ့ထိမ်းငဟော့ ချုပ်လော့သဲ့ မီးဒိတ်ကာ အဖိုင်းခွန်းအွမ်လာဝိုင့်" သိမ်အဟောက်တို့။

ပရောဖက်ဟေရှာယလော့ ယကျမ်းဝါ ယောဟန်အကြောင်းငဟော့ ကြိုတင်လော့တဲ့အဟောက်ဟော့ငဟောနိုးပုဝါ "တောကန္တာဒိတ်ကာ ပေါတ်နောတ်ငဟော့ အလှုပ်လှုပ်ဝါအပံ့အံ့ဝဲငဟော့နိုးပုဝါ 'အရှင်လူးဝဲငဟော့လောင်းငဟော့ကျန်ဘွေတွက်။ လမ်းလောင်းငဟော့ ဖြောင့်စေဘွေ။ တုံငါဟော့အန်ဟာန်ငဲ့ ဒိတ်ဖို့တလို့တုံငဲ့ ညီရှောက်ဘွေ့တို့။ တုံရှောင်းလော့တုံလင်းငဟော့ ညီရှောက်စေဘွေ။ လွန်းကွေ့ရဲ့ယဟော့ ဖြောင့်ရှောက်သ‌လော့ ကြမ်းတမ်းဟော့လွန်းနဲ့ ချောအုံစိုင်းဘွေ့တို့။ နိပေါင်ပိစလော့ ဘုရားရှင်လော့ အလှို့ငဟော့ ကယ်တင်ရှင်ငဟော့ ချောင်တိုင်းလော့မှု့လအယ်'" ဟောနီအရာငဟော ပရောဖက်ဟေရှာယ ကျမ်းဝါအရေးလောက်ကာ အဖြစ်။