Àwọn Ẹsẹ Bíbélì Tí Ọ̀pọ̀ Èèyàn Mọ လုကာ 5

Pín

ထွိုင်ဟိုစွမ့်ထွို့နိန်းအွယ့်ခါ့ ကိုယ်တော်အွယ့် “ဝါလေးနားဖောင် သျှီ့ယိုးဒိုင့်ထွို့ အီကျန်းတားတာ ချာ့လင်းနားပြက် ကျန်းတားလုဲင်” မိန့်ရှိမုန်နိန်းအွယ့်။

ရှိမုန်အွယ့်လဲ့ “ဆရာ၊ က့ကြိုစာကျန်းထွို့လိတား ကန်ပိန်ဟလဲ့ လ့ဟ တားအာဘားဘာ။ ဒေါင့်မာလဲ့ ဆရာအန်ချန့်အွယ့်ကြားမဲ့ က့အီချာ့လင်းထိုင်ဒါ့ ပြက်ကျန်းတား” ဒေါင့်ချာဒါ့နိန်းအွယ့်။ ထွိုင်ချာ့လင်းနိန်းအွယ့်ခါ့ အာကာအွယ့် ကျန်းလ့လိုကာတားဟေတန် ဗွမ့်တွို့နောင် ပြက်ကွင်တကျေးဒါ။

ဒေါင့်မာလဲ့ ကိုယ်တော်အွယ့် စစွာ့ထန်တိုးတာထွို့ ကုဲင်းလေဆုတောင်တိုတာ ရပ်အိုယားနောင်ပလူးကု။

နောင်နိန်းအွယ့်အွယ့် ငါးလေးဒါဒွို ပလူးတွို့မှန်စာဖုန်းတာ လီမေဟာ။ ဒေါင့်မာလဲ့ ငါးလေးတို ပလူးအပျက်စရိုက်လီခိုဟစာဖုန်း ဖီကလ့လိုကာ နောင်တတာတို” မိန့်နိန်းအွယ့်။

ထွိုင်သျှီ တာပျန့်ထန်နိန်းအွယ့်ထွို့ ရှိမုန်ပေတရု အွယ့် အိုနင်းခေါက်လင်းတာ ကိုယ်တော်ယေရှုခင်ထိကုထွို့ “ဗွယ်၊ ငါးဒွို ပျန့်တို ပလူးအပျက်စရိုက်လီခိုဟဟေစာတို အွယ့်ကြားမဲ့ အိုငါးဆောင့် စစွာ့ထန်ကေ့လုဲင်” လျှောက်ဒင်နိန်းအွယ့်။

ကိုယ်တော်ပြန်ဖရေချာဒါ့ အာကာဒီ့ “ပလူးခရိုင်ဆန်စာဖုန်းဒွို အီအိုလူဘစီဆရာ လီမေဟာ။ ပလူးလီခရွိုင်ဆန်ဟစာဖုန်းဟို့ အိုလူဘစီဆရာ။

ထွိုမဲ့ အာကာအွယ့်လဲ့ ထွို့ထန်လိုကာဖောင် ခေါင့်စွမ်လောင်ထွို့မဲ့ ဖီကြွ့လူးကေ့ တာကားကအိုထွို့ လေးတွဲ့လိုကာ ကိုယ်တော်ယေရှုကန်စာ့။

ထွို့မဲ့ ကိုယ်တော်ယေရှုအွယ့် အိုဝိန်းအဝိန်းကုခါ့ ပခု အိုပျန့် ဒူယွမ်တွို့နူနာရောဂါစာ အိုအပလား။ အာအွယ့် ထွိုင်သျှီကိုယ်တော်ထွို့ ဝယ်လင်းထွို့မဲ့ “ဗွယ်၊ နားအလိုမေအိုဒွို မိုးတမာကင်ဖီဒါတို တစာ့ရောဂါ အွယ့်ကြားမဲ့ ကုဖီကေ့ ငါးနူနာရောဂါမွန်” ကျွူ့လျှောက်နိန်းအွယ့်။ အွယ့်ခါ့ ကိုယ်တော်အွယ့် ယောင်ကျွော့်ထွို့ ခွိုင်းပလူးအွယ့်ပလားထွို့မဲ့ “ငါးအလိုအိုတို၊ တမာကင်ကျိန်းလုဲင်” ထွိုင်မိန့်နိန်းအွယ့်ထွို့ ပလူးအွယ့်ပလားရောဂါအွယ့် တမာကင်ကျိန်းတွို့ အလိုင်ချင်။

ဒေါင့်မာလဲ့ ကိုယ်တော်စတင်းဒွို ယိမ်းကျွက်ကျက်လေ အနယ်နယ်အရပ်ရပ်ကု အွယ့်ကြားမဲ့ ပလူးဖုန်းဟေတန်အွယ့် အီနာလိုကာ ကိုယ်တော် တဟိုစွမ့်ချက်ဖုန်းနောင် အီကုအာကာရောဂါတာ လေးစုရွန့်လိုကာတာ။