Àwọn Ẹsẹ Bíbélì Tí Ọ̀pọ̀ Èèyàn Mọ Matiö 18

Pín

'Be ‑plɩɩlɩ nyüü 'sɔɔ nyüü tää traraa' 'na ‑gʋ nɩ, 'n bä 'üa ‑tɔrʋpɩɔ.»

«'Amɔ 'n ‑gbala, 'pɩrɩgälɩ 'nɩ, 'ana ‑tɔrʋpɩɔa nyüü 'sɔɔ ma 'nönröwli ‑bɛ üma ‑sɛ dɛɛ o dɛɛ nɩ, 'na Tʋlɔ bäa' cɛlɩ nya 'ümɩ 'ɛɛn ‑nyɩa.

Jesu nya we 'jʋjɔ 'doo, 'ɔnya ‑tʋ 'ɔɔn 'üa ‑tɔrʋpɩɔ, 'ɔ ‑nëma: «'Cɩcasa 'n ‑gbala 'amɩ, 'ama 'nyɩ 'jüjiea 'saa ‑a bä nɩ, 'a ‑nëmä ‑srɩɩ cɛɩɩa 'kamapläa 'mlɩ ‑a pa.

'Ii känyrɩ, nyɔɔ o nyɔɔ 'ciea' 'ɔa nyufa 'wʋ ‑beere 'jʋlɔ kʋa' ‑pɩ nɩ, 'ɔɔ bä 'wʋsia nɔ cɛɩɩa 'kamaplä 'lɩ.

‑Bɛ nyɔɔ o nyɔɔ 'kʋɛɛa' 'lɩ 'jʋ o 'jʋ ‑beerea' ‑taa 'jʋlɔ 'na 'nyrɩklɩ nɩ, 'mɔɔ 'ɔ 'kʋɛɛlɩ.

'Cɩcasa 'n ‑gbala 'amɩ, diili kä 'fɩɔ 'a nëmäa' kpasa ‑pɩ ‑tʋtʋ ‑gälɩ nɩ, 'inya bɩa kpasraa cɛlɩ; ‑bɛ wiili kä 'fɩɔ 'a nëmäa' ‑jejie ‑pɩ ‑tʋtʋ ‑gälɩ nɩ, 'inya ‑jejroa cɛlɩ.

Jesu ‑nëma: «'Ana ‑tɔrʋpɩɔa nyɔɔ ma 'nyɩ 'ɔa plɛa 'fɩɔ ‑a nʋ ɔma 'nyɩ cere 'ɔa ‑wlajʋ 'ɔa ‑balʋ ‑a nɩ, 'asɩ 'na Tʋlɔ bäa' cɛlɩ 'mä 'amɩ nʋ.»

«‑Maa nyɔɔ ma 'tutro ‑taa 'jülü toroa' 'mɩ plɛ, 'üa ‑tɔrʋpɩɔa 'doo ‑balʋ 'lɩ nɩ, 'i ‑siwʋ ü 'pa 'ia nyɔɔlɔ diisrorotäkä ‑susugbee 'kä 'ü bere 'ɔɔn 'taniea ‑fli.

«Wii 'plɛɛ 'a bobo ‑taa wiili kʋa' ‑pɩa ‑gʋ le? Nyɔɔ ma kä ‑bablëëa ‑glʋɩgböö (100) ‑bɛ 'dee ma 'mɔlɔ nɩ, ‑mää ‑plɩɩ 'dʋgba 'wli 'ɔ ‑nëmä ‑bablëëa ‑glʋɩmlɔɔ ‑bɛ ‑pʋ ‑bɛ ‑uunmlɔɔlë (99) tɩ, 'kä 'ɔ ‑nëmä ɛ 'mɔlɔa' 'batakalɩ mi?