Àwọn Ẹsẹ Bíbélì Tí Ọ̀pọ̀ Èèyàn Mọ Jaan 15

Pín

'Mɔɔlɔ nɩ, 'mɔɔ bä viinyëtuu, 'amɔ bä katë. Nyɔɔlɔ 'maaa' 'mɩ ‑gbakä, ‑bɛ 'n 'maaa' ‑gbakä nɩ, 'ɔ tʋä ‑gböösa. ‑A ‑gbala 'amɩ, ama 'nyɩ 'amɩ 'lɩ ‑a bä, 'anyɩ 'lɩ ‑a bɩa 'amä dɛɛ nʋ.

'Ba kʋ 'mɩ 'lɩ, 'sɩrɩ 'n kʋa' 'amɩ 'lɩ. 'Sɩrɩ kata ma 'nyɩa' viinyëtuu ‑gbakäma, ‑bɛ 'äa 'kpɔ 'nyɩa' 'lɩbɩa 'ämäa' tʋ nɩ, 'asɩ 'ana 'mʋgbɛ bä. 'Ama 'nyɩ 'mɩ 'lɩ ‑a kʋ 'anyɩ 'lɩ ‑a bɩa 'amä tʋ.

'Ama 'ma 'mɩ ‑gbakä ‑bɛ 'na 'papawii ma bä 'amɩ 'lɩ nɩ, dɛɛlɛ 'a 'bataa' 'ba 'bete 'ɛɛn, 'anya 'ɛɛn 'jäa.

‑Mää 'amɔ 'nyɩ 'mɩ 'lɩba, ‑maa 'mɔɔlɔ nɩ, 'mɔɔ 'balɩ 'amɩ 'nya ‑tʋ 'lɩ 'amɩ 'amä tʋ, 'ana tʋtʋdii 'mä ‑wɩara. 'Ia 'taɩn 'lɩ nɩ, dɛɛ 'amäa' Tʋ ‑sɛ 'na 'nyrɩklɩ nɩ, 'ɔmä 'amɩ 'ɛɛn ‑nyɩ.

Abɩa nyɔɔ 'sa 'ɔa nyufa 'ɔa ‑gbötümüa ‑gʋ nɩ, 'ia ‑wawakʋ 'nyɩ 'sɔɔa nu ‑a kä.

Kata o kata 'maaa' 'mɩ ‑gba 'kä, ‑bɛ änyɩ tʋa' nɩ, 'ɔ 'baa 'ään 'lɩ; ‑mälä tʋäa' nɩ, 'ɔ ‑paaa 'ään 'ämä tʋ ‑gböösa.

‑Jää 'na ‑dɔwiili 'nëmäa' 'amɩ ‑gbala: 'Ba ‑wawla, 'sɩrɩ 'n ‑waa' 'amɩ.

'Ama tʋ ‑gböösa nɩ, 'anya 'na 'wʋnyɛrɛnyüü bäa. 'Iibä 'na Tʋa 'wliklɩ 'bʋalakʋ.

«'Mɔɔ bä 'cɩca viinyëtuu, 'na Tʋ bä viinyëplanyɔɔ.

Nyɔɔ ma 'nyɩ 'mɩ ‑gbakä ‑a 'ma, ‑fälɩ 'ü be 'ɔɔn ‑beere katëlë 'ü 'böa' 'lɩ ‑bɛ ä maa'. Üma 'bütö 'üün, kapu 'lɩ 'ü be 'üün 'kä 'ü fie.

‑Gbala 'n ‑gbala 'amɩ 'iin, 'kä dɔrʋlʋ bäa' 'mɩ 'lɩ, 'umä 'amɩ 'lɩbä, ‑bɛ 'ana dɔrʋ 'mä 'wlijrä.

'Ama ‑träärälɩ 'na ‑dɔwii nɩ, 'anya 'na ‑wawakʋ 'lɩ kʋa, 'sɩrɩ 'n ‑trääräa' 'lɩ 'na Tʋa ‑dɔwii ‑bɛ 'n kʋa' 'ɔa ‑wawakʋ 'lɩ.

Wiili 'n 'daa' 'ba nʋa' nɩ, 'iibä, 'ba ‑wawla.»

'Ama bä ɩ 'pläa 'mlɩa nyüü nɩ, 'plä nya ɩ 'amɩ ‑waa, 'be 'äa nü 'a bä. ‑Maa 'n 'baa' 'amɩ 'pläa ‑tɔrʋpɩɔ ‑bɛ 'a ‑kanyɩa' 'pläa nü bä nɩ, 'a 'ia ‑gʋ 'plä jrara 'amɩ 'nyüa 'mlɩ.