Àwọn Ẹsẹ Bíbélì Tí Ọ̀pọ̀ Èèyàn Mọ 1 Korɛɛntënyüü 13

Pín

‑Wawakʋ kä plɛböblökʋ, ‑wawakʋ kä ‑gbinanakʋ; ‑wawakʋ 'nyɩ kä dɛɛnyü ‑a, ‑wawakʋ 'nyɩ 'pa 'ua ‑gä ‑a, 'unyɩ ‑gbalɩ ‑a, 'unyɩ nʋ 'nyüsügbi ‑a, 'unyɩ tɛ ‑a kä, 'unyɩ ‑tʋ 'crɛ ‑a, 'unyɩ 'pa nyɔɔa 'crɛ 'mlɩ ‑a.

‑Wawakʋ cere wiia 'fɩɔ, 'u toro diia 'fɩɔ plɛ, 'u 'pie wiia 'fɩɔ plɛ ‑gälɩ, ‑bɛ 'u ‑gbötö wiia 'fɩɔ.

'Unyɩ nʋ wiili 'nyɩa' 'klɩgäa dɔrʋ ‑a, ‑maa 'cɩcasaa dɔrʋ 'u nö.

‑Bɛ dii tää bälɩ 'inya 'lɩ tɩɔrɔa: nyɔsʋaplɛtorokʋ, plɛgälɩpiepiekʋ, nyra ‑wawakʋ. ‑Maa ‑mɛlɛ ‑sia' 'wʋ, 'ɛɛ bä ‑wawakʋ.

‑Wawakʋ 'nyɩ bɩabɩa ‑a 'plɔʋ. Nyɔsʋaamlɩpalakʋ nya 'plä 'wʋ 'wʋa, nyüü ‑mölööa mlɩa wiia 'papakʋ nya 'nyüglöa, wiijejrekʋ nya 'plä 'wʋ 'wʋa.

Ama 'pa nyüü nyra 'aanjëa mlɩa wii, ‑bɛ 'na ‑molooa ‑wawakʋ ma 'nyɩ 'na plɛ ‑gälɩ ‑a bä nɩ, 'n ‑beere ‑gliii, 'aiɛ tutufʋfʋ 'ü böa', u käa' ‑yrɛ.

‑Bɛ ama 'palanyɔsʋamlɩ, ama jre wiilia 'fɩɔ ‑sisiea', ama jre diia 'fɩɔ, ama 'klaa nyɔsʋaplɛ kpakilɛ 'mrɛɛa' ɛmäa' 'dʋgbë 'kou 'sa, ‑bɛ 'na ‑molooa ‑wawakʋ ma 'nyɩ 'na plɛ ‑gälɩ ‑a bä nɩ, 'nyɩ dɛɛ ‑a bä nyrɩkɩnyrɩkɩ.

Ama 'sa 'na käkädiia 'fɩɔ 'kä 'mä 'pʋablanyüü 'klɩfini nɩ, ‑bakää 'n 'sa 'na fugba 'kä 'ümä 'mɩ 'pütö, ‑bɛ 'na ‑molooa ‑wawakʋ ma 'nyɩ 'na plɛ ‑gälɩ ‑a bä nɩ, 'ia 'fɩɔ bä 'fëflɛgbi.

'N bä käa' nyʋklɔ nɩ, nyɔkɔsa 'maa 'paa wii, nyɔkɔgbi 'maa nö; ‑maa 'n 'bʋaa' nɩ, 'nyaa 'cɛrɛ nyɔkɔgbi ‑wälɩ.