Àwọn Ẹsẹ Bíbélì Tí Ọ̀pọ̀ Èèyàn Mọ Римын оліссезлӧ 8

Pín

Мийӧ тӧдамӧ: Енсӧ радейтіссеслӧ, Сылӧн висьталӧм сьӧрті корӧммеслӧ, оланын быдӧс керсьӧ бур вылӧ.

Ме бура тӧда: кулӧм, олан, ангеллэз, енӧжсис веськӧтліссез да выннэз, ӧннясяыс, одзланьсяыс, вылынаыс, пыдынаыс да и кытшӧмкӧ мӧдік аркмӧтӧмыс ─ оз вермы миянӧс янсӧтны Енлӧн радейтӧм дынісь. Сія радейтӧмыс миян Дӧсвидзись Кристос Исускӧт ӧтлаасьӧмсянь.

Миян вынным оз кӧ тырмы, сэк Ачыс Лолыс отсалӧ миянлӧ. Мийӧ эд огӧ тӧдӧ, кыдз да мый понда колӧ кеймыны. Ышлолалӧммезӧн, кыввез висьтавтӧг Ачыс Лолыс корӧ миян понда.

Мый сэтчӧ висьталам? Еныс кӧ миян дор, кин сэк миянлӧ паныт?

Сідзкӧ, ӧні он висьтав некытшӧм судитан кыв Кристос Исускӧт ӧтлаасьӧммез вылӧ. Нія эд озӧ олӧ вывтырныс кыскӧм сьӧрті, олӧны Ен Лов туйдӧтӧм сьӧрті.

Юрӧ пыртан кӧ вывтыр сьӧрті керны, сія вайӧтӧ кулӧмӧ. Юрӧ пыртӧмыс кӧ Лов сьӧрті, сія лӧньсьӧтӧ сьӧлӧм да сетӧ олан.

Но миян вылӧ умӧль локтӧмсӧ быдӧс вермывлам миянӧс Радейтісь отсӧтӧн.

Ме юрам видза: ӧнняся пессьӧм-мырсьӧмным одзланься югьялӧмыс сьӧрті абутӧм туйӧ. Сія югьялӧмыс миянӧс видзчисьӧ.

Мый вермас миянӧс янсӧтны Енлӧн радейтӧм дынісь? Поди, шогсьӧм, дзескӧтлӧм, вашӧтлӧм янсӧтас? Поди, тшыгьялӧм, кӧмтӧг-паськӧмтӧг кольччӧм, умӧльыскӧт пантасьӧм, шыпуртсянь кулӧм?

Еныс тӧдӧ, мый морт сьӧлӧмын да мый корӧ Лолыс. Сія эд корӧ вежа отир понда сійӧ, мый Еныс сьӧрті.

Ен Лов туйдӧтӧм сьӧрті оліссес ─ Енлӧн челядь.

Умӧльсӧ керан вывтыр сьӧрті оліссес эд вывтырныс кыскӧм сьӧрті керӧмсӧ юрӧ пыртӧны. Лов сьӧрті оліссес Лов сьӧрті керӧмсӧ юрӧ пыртӧны.

Сылӧ нельки Ассис Зонсӧ ковсис сетны быдӧннымӧс мездӧм понда. Сэк Сыкӧт оз разь козьнав быдӧссӧ?

Сія Вежа Лолыс и висьталӧ миян ловлӧ: мийӧ ─ Енлӧн челядь. Сылӧн челядь кӧ, сэк и мийӧ Кристосыс моз Еныс увтырись. И мийӧ сэк ӧтвылісь Кристосыскӧт босьтам Сылісь кӧсйӧмсӧ. Кристоскӧт ӧтлаын кӧ пессям-мырсям, сэк югьяланінас Сыкӧт ӧтлаын лоам.

Умӧльсӧ керан вывтыр сьӧрті юрӧ пыртӧмыс ─ Ен вылӧ лэбтісьӧм. Сэтшӧмсӧ юрӧ пыртіссес озӧ олӧ Ен Туйдӧт сьӧрті да и озӧ вермӧ.

Быдӧс аркмӧтӧмыс оз ни вермы видзчисьны, кӧр Еныс мыччалас Ассис челядьсӧ.

Тӧдам эд: быдӧс аркмӧтӧмыс зубытсяняс ӧнӧдз ойзӧ-мырсьӧ кага вайись инька моз.