Àwọn Ẹsẹ Bíbélì Tí Ọ̀pọ̀ Èèyàn Mọ 1 Коринфын оліссезлӧ 13

Pín

Радейтӧмыслӧн мылаыс уна, сія небыт сьӧлӧма, радейтӧмсӧ завидыс оз кут. Радейтӧмыс асьсӧ оз лэбты, оз ошшась. Сія оз мыччав умӧль мывкыдсӧ, оз тӧждісь дзир ас пондасис, оз лӧгась, умӧльсӧ оз касьтывлы

Радейтӧмыс быдӧс терпитӧ, оз дугды веритны, пыр видзчисьӧ бурсӧ, сы вылӧ быд сьӧкыт локтӧмсӧ нуӧтӧ.

умӧльыссянь оз гажмы, а гажмӧ быльыссянь.

Этна куимыс пыр лоасӧ: веритӧм, надейтчӧм да радейтӧм. Ны коласісь радейтӧмыс медвына.

Радейтӧмыс некӧр оз чулав. Сідз лоас: Енсянь юӧртны озӧ пондӧ, мӧдік кыввез вылын баитӧмыс оз понды кывны, тӧдӧмыс абутӧм туйӧ лоас.

Ме кӧ баита отир кыв вылын, нельки ангеллэз кыв вылын, но аслам радейтӧмӧ абу кӧ, сэк ме тронган джыннян кодь, сильӧтан орсан кодь.

Ме верма Енсянь юӧртны, тӧда быдӧс тӧдлытӧмсӧ, быдпӧлӧссӧ вежӧрта. Ме ёна верита, верма нельки вештавны керӧссэз, а радейтӧмӧ кӧ абу, сэк ме абутӧм туйӧ.

Быдӧс, мый менам эм, сетала, нельки ачымӧс сета сотны, а ог кӧ радейт мӧдіккезӧс, сэтісь меным нем бурыс абу.

Учӧтнам ме учӧттэс моз баиті, учӧттэс моз юрам пыртлі да и мывкыдӧ вӧлі учӧттэслӧн. Годдэзам пырӧм бӧрын учӧтсясӧ коли.