Àwọn Ẹsẹ Bíbélì Tí Ọ̀pọ̀ Èèyàn Mọ Galesiya 6

Pín

Toro te nevu sugupasudo tollovai molludo'movlaiyo'moneyokwe tovino burawo nyumwala'jo. Aro tovinokwono. Nevu sugupasudo tollovai molludo'movlaiyo'mo mimwogapiya'ji tov lukomgu gamoro no tollovaibusuko kuvinono nomulomaranonogano.

Toro tovino tov nevu yiuwi'nokai toga buro'nyo buro'nyo a'mwo abolodeyo tonyu ilaiyo mollo'mo kudo'aiko ausanekubweyo'ji toga ilaiyo kuvinono neya amollogawano. Toro kuvi kuruv nevuge avalo Jisasolluno kuudo uubweyodupudo tonyuno'gwowi ilaiyo pasudo tov muunyu toru'aro guureji neya igologawano.

Aki toro togaikul kemida'ai pubuuro jul'nyo ma'dopure tonyu kevu a'mwo abolo su tobuuravuro jul'nyo tonyu neya domollukwovogaulo. Kevu su toro supi tov Krais toolluro loowo tovi kuvinono uumjunpinogaikikono.

Kevu Gooti toollu ku'nono mamolloguulludapipinogaikikono. Su toro tovino a'mwo pweku, Oo nuu Gooti toollu nokwo molloguulludapimonyugono, kuudo sau'bi su tekwogu guvnokwe tooku nyoukuu'najunbiyo. Kuudo neya jaullulo. Kemoro ikulwiyo avlollosupi tovuro no ton judo pumgu'aro mai'nupinogano. Toro kuvi kuruv ikulwiyo avlollosubi su tov no ai'no'ji toga yiuno aval'nodo to'no ki'nodowo'jure tovi mulomapinogaikikono.

Su toro to'busuko kubalno a'mwo pwol gami kuudo uumdo tooraino to'no kuumjuno'ji su tool kuudo uumdo su tooravuro no ai'no'ji tov nomulomaronekono. Gamoro no ai'no'ji su tov a'mwo tekwo kaiyako yiunokuudo i'nopiyowo'ji nobolonekono. Toro kuvi kuruv a'mwo pwol Gooti toolluro Kuullo toollu kuumjuno'ji su toolno'gwowi Kuullo su toolluro no ai'no'ji tollovo nomulomaronekono. No su tollovo a'mwo tool aiyo yiunokuudo mujomwekovlaiyo'moneyokwe tov nomaronekono.

Mi avalobuuravoo, kevu Jisasolluro a'mwo abolo pugaikul Gooti toolluro Kuullo tool mollubworekumokavla'mdowo'jure tovi uumjunodupudo su togaikul kemida'ai pubuuro ma'no ma'no pasudo tovuro wuulo tovi awapi tobuurai neya duuwiyo'mwojogaulo. Kevu wiyo'mwojo'mo togaikul a'mwo abolo ma'no ma'no supi su tobuurai kavo neya duubemwojogaulo. Su toro uubemwojopi toga kevnokwe togaikul ilomoropunyu yapi ma'no ma'no pasudo tovuro wuulo tovi nowa'mwalpiyo.

Neya duu'nyulo. Kevu yovo maiyokwe imo'nodupudo pugaikul a'mwo abolo pubuuravuro jul'nyo tonyuno aro kuudo nyaupiyo. Oo nuu yovo aguto ma'dumdo tova'nyuno tov a'mwo abolo su tobuuro mi yonuwapi yodupudo tobuuravuro jul'nyo ton ku'nono mamollukwo'mwalmonyugono. Pugaikul su toro kuudo tokwe nyoukuu'najunumwalpiyo. Kevu yiuwi'nokai pwolno puru'monodo togaikul kemi womdo go'no go'no yodupudo tonyuno ilaiyo'mdukono oo kaiya'nodo'mdukoneyokwe tovino neya jainyubwo'nogaulo. Aki aro kuudo nyau'mwalpiyo. Oo moro womdo tov a'mwo abolo punyuro womdo yodupudo tovi neya uuwolowono. Kuudo nyau'mwalpiyo. Toro kuvi kuruv kevnokweyogaikulluro womdo go'no go'no yodupudo tonyu neya yainyunopi kemi womdo sugudo tonyuno'gwowi ilaiyo nokwo ibwosunmwalpinogaikikono. Su tov aro tovinokwono. Kevu yiuwi'nokai pwolno puru'monodo togaikul kemi pasudo mujumovla'mdupudo tovida'ai lukomgu jul'nyo abai'mopi tonyu kevnokwe togaikul kuvinono mollukwo'mwalpinogano.