Àwọn Ẹsẹ Bíbélì Tí Ọ̀pọ̀ Èèyàn Mọ लूका 6

Pín

देवो तो तुमला भी दियो जाहेत, लोकगीन ठुस-ठुस के गजब, तुमरो आचर मा डाखेत। काहेकि जोन नाप लक तुम नापिसेव, वोच लक तुमरो लाय नापयो जाहेत।

साजरो मानूस अपरो मन को साजरा पेटखोली लक सजरो गोस्टी हेड़ासे अना बुरो मानूस अपरो आतमा को पेटखोली लक बुरी- बुरी गोस्टी हेड़ासेस काय की जेनो आतमा मा ठुसीसे वाच वोको टोंड पर अवासे।”

पर मिले न नोको मिले, पर माँगन वालो ला उधारी देव, यो तुमरो लाय मोठो फर होयेत। अना तुम्ही परमेस्वर को, टूरा-टूरी कहलाने, काहे की जोन परमेस्वर ला नही मानासे, अखीन बुरो भी सेत, ओको पर भी, परमेस्वर भलो सेत। अना आपरो सतरु लक, माया करो।

जसो परमेस्वर दयालू से, वसोच तुमी दयालु बनो।”

तुम्हि न्याय नोको करो अना “नोको बोट उठाव, नही तो तुमरो पर भी उठायो जाहेत।” छिमा देदो, तो तुमला भी छिमा कर दियो जाहेत।

पर मि तुमी आयकन वारा गिनला कहुँसू “आपरो बैरी गीन लक माया राखो, जोन तुमरो लक बैर राखासे, उनको भलाई करो।” “ ला जोन सराप देवासे उनला आसीस देव। जो तुमरो बेईज्जति करासे, उनको लाय पिराथना करो।

जसो तुमी चाव्हासेव का लोग गीन तुमरो संग करेत, तुमी भि उनको संग मा वसोच करो।”

अना तोरो एक गाल मा झापड़ मारासे तबा दुसरो गाल ला भि देदे। जोन तोरी पचिया ला हिसकवासे वोला झंगा भी देदे। जोन कोनी तोरो लक मांगासे, वोला देवने, अखीन जो चिज ला हिसकासे वोको लक नोको मागंने।

“असो साजरो झाड़ नोहोय जेव निकम्मो फर आनेत, अखीन असो नोहोय का निकम्मा झाड़ सजरो फर आनेत।

अना सप्पा झाड़ अपरो फर लक चिन्हो जासेत काहेका लोग गीन झाड़ी मा लक अँजीर नही तोड़त अखीन कांटा को झाड़ लक अंगूर नही तोड़ासेत।