Àwọn Ẹsẹ Bíbélì Tí Ọ̀pọ̀ Èèyàn Mọ Markus 2

Pín

Pagka nadnugan ni Hisus tunda, sinabi niya sa manga manugtudlu Kasuguan, “Unman may kailangan sa manugbulung ti balaw may manga sakit, ti may manga sakit lang ti may kailangan. Unman aku nagsitay hampay magtaban sa manga matadlung, nu unman sa manga makasalanan ngap.”

Pagka nakitan ni Hisus kanda pagsarig, sinabi niya sa tawu lunu, “Pinatawad yi duy kanmu manga kasalanan.”

Sinabi maan ni Hisus sa kanda, “Ti Sirang Pamahari binwat para sa tawu, balaw tawu ti binwat para sa Sirang Pamahari.

Pagka unman sida makapakarani sa kan Hisus dahil sa kayamuan tawu, linukaban nida ti atup sa kay tungud ni Hisus. Pagka linukaban yi bag-u kanda itinuntun ti tawu lunu sa basad duyan.

Dapat ay hampay maalaman niyu ti Anak Tawu may kamaskihan sa babaw daga hampay magpatawad sa manga kasalanan tawu,” sinabi ni Hisus sa tawu lunu, “Pagsabihun niku sa kanmu, pagtindug yi kawu duy, luhuta yi kanmu amak, pag-uli yi sa kanmu balay.”

Hintay nguna ti lalu malpus sabihun sa tawu lunu, ngatay ‘Ipinatawad yi kanmu manga kasalanan’, aw ngatay ‘Pagtindug yi kawu, luhuta kanmu amak, paglakaw yi kawu’?

Kadaka siya nagtindug sa kanda atubangan, linuhut yi kay amak, rargu yi nuli sa kay balay. Nakan nadulaw sida tanan, dinayaw nida ti Diyus magkun, “Una kaybi ginan ud may nakitan katida.”