Àwọn Ẹsẹ Bíbélì Tí Ọ̀pọ̀ Èèyàn Mọ Malɨkɔ 6

Pín

Ɓombi ɓaja ɓi꞉nye tiga kʉka ɔɔ Yeso nʉ tʉa. Chʉkɔmʉ ɔɔ Yeso nʉ ɓatitima ɓambuɓio kʉnyɨa nʉ wati ikanzi ngia ɓakwanana‑ɔɔ kʉdyakaka. Yeso ambusigio ɓatitima ɓɔ: « Kuseni‑zʉ tʉkʉ isu akʉ mʉa ngua ɓombi ɓambʉkɔmʉ‑ɛɛ, kambʉkanyeni tiga‑zʉ humuo ɗɛkɛkɛ. »

Kʉ ɓwanɨ, Yeso ambuɓusigio ɓɔ: « Ɨgbɛ yɨ Asʉɓɨɨ yaakyɨa nʉ ɨbɨba mʉa kʉ 'uɓomu. Ɨkyɛmɨngana, andaɓʉ amati ʉ anza ngiangɔ, nʉ akʉ 'ufini nguangɔ ɓʉ kpɛ ɓaamʉna tʉkʉ ɨsʉkʉɓwanɨ. »

Ati ngia i꞉nye tiga‑ɔɔ kʉɓʉa akʉ ɨngbɔɔ, ambʉna ɓata ungbutu wʉ ɓombi nguʉnanɨ uhue tʉkʉ ɓʉ ngu. Kija a꞉ɓʉdyɨa ikoko kʉnɨna ɓɔ ɓombi ngiɓʉnanɨ ɓi꞉nye ngbanga ndʉ iya ɓakɔndɔlɔ ɓaakyɨa‑ɔɔ chʉkɔmʉ nʉ mʉpɨmakɨa. Ambufaniso naɓɔ kunzo mapanʉ maja.

Yeso a꞉kwananakɔmʉ tii ɓata kʉkyɨa moni kɔɔ mʉmbangɛ gʉkʉ mʉngana akʉ ɨkʉmbʉ ngiinanɨ. Ɨkyɛmɨngana, a꞉napɨa tii tʉkʉ lɨkɔndɔ ekoo ɓombi ɓʉ ɓakwisikiso ngana ngana, ambuɓuhiiso. Nɨya baya ngiindaɓʉ ya꞉mʉmbangɨa tʉkʉ nadɨndɨ. Yeso ambʉɓaɓaka amati ʉ lɨkʉmbʉ ngila lɔɔ tine tine nanɨ, ɛyɔ tʉkʉ kʉpanɨa ɓombi.

Yeso ambʉchɨka mikati ɓɔkɔ nʉ sipe ɓepini ngiinanɨ, ambʉkanga mesu ekoo ʉ ɓisi, ambutuisio Asʉɓɨɨ ɨbɨba. Mbise ɔngɔ, ambuɓokoko mikati ngiinanɨ, ambunzikio ɓakpataka ngiɓangɔ, ɓambʉɨpakɨa ɓombi kʉ ɓuɓomu. Ambʉkyɨa akʉ sipe ɓepini ngiinanɨ kʉ ɓwanɨ. Kija ɓombi kʉ ɓuɓomu ɓa꞉dyakaka, ɓambumotoko. Ɓambʉmʉma tiga ligbiti lʉ mikati nʉ lʉ sipe ngila la꞉tukoko, lambʉkwa ɓajaɨ kumi nʉ ɓapɨnɨ ɓuhuoke ɓʉ kyɛɛ kyɛɛ.