Àwọn Ẹsẹ Bíbélì Tí Ọ̀pọ̀ Èèyàn Mọ Nk 16

Pín

Ane bôte ya Israél be nga jô be na: Ngo'é nge Zambe a too ke ye kañese na, wo Nti ô wôé bia Ejipte, éyoñ bi nga too e fefele mevie'e me tit, éyoñ bi mbe bi ja'a belet abime ya jaé! Amu mi nga zuu bia e *nkôte si na nsamba bôt wu ôse bi wu a zaé. Ane Nti a nga jô na: Ma zu noo mia belet é so'o yôp. Bôt ba ye kui atan a ba ye to'é je, *môs ane *môs, abime da yian, nalé ma ye ve'ele be a yen nge ba ye wulu ane atiñe dam e né, nge momo.

Ane nsamba bôt ôse ya Israél ô nga kobô Môze ba Aron *abé e *nkôte si.

Ane Môze a nga jô na: Ngô'é ya den Nti a ye ve mia tite ya di, a mametyé a ye ve mia belet abim mia ye di a jaé; Nti a wô'ôya menyiñ menan mi nga kobô me wosa'ane nye; amu bia bi ne beza? Menyiñ menan me nji wosane bia ve wosane Nti.

Me wô'ôya menyiñ me bôte ya Israél, kobô'ô be na: E zañe ngô'é ébaé mia ye di tit, a mametyé mia ye jaé a belet; a mia ye yeme na me ne Nti, e Zambe wônan.