Àwọn Ẹsẹ Bíbélì Tí Ọ̀pọ̀ Èèyàn Mọ Datguddiad 19

Gadewch i ni ddathlu a gorfoleddu a rhoi clod iddo! Mae diwrnod priodas yr Oen wedi cyrraedd, ac mae’r ferch sydd i’w briodi wedi gwneud ei hun yn barod.

Ar ei glogyn wrth ei glun mae’r teitl hwn wedi’i ysgrifennu: BRENIN AR FRENHINOEDD AC ARGLWYDD AR ARGLWYDDI.

Roedd y nefoedd yn llydan ar agor, ac o mlaen i roedd ceffyl gwyn â marchog ar ei gefn. ‘Yr Un ffyddlon’ ydy’r enw arno, a’r ‘Un gwir’. Mae’n gyfiawn yn y ffordd mae’n barnu ac yn ymladd yn erbyn ei elynion.

Roedd ei lygaid fel fflam dân, ac roedd llawer o goronau ar ei ben. Roedd ganddo enw wedi’i ysgrifennu arno, a neb yn gwybod yr enw ond fe’i hun. Roedd yn gwisgo dillad oedd wedi’u trochi mewn gwaed, a’i enw oedd ‘Gair Duw’.

Roedd cleddyf miniog yn dod allan o’i geg, a bydd yn ei ddefnyddio i daro’r cenhedloedd i lawr. “Bydd yn teyrnasu drostyn nhw gyda theyrnwialen haearn.” Bydd yn sathru’r gwinwryf (sy’n cynrychioli digofaint ffyrnig y Duw Hollalluog).

Ond daliwyd yr anghenfil, a hefyd y proffwyd ffug oedd wedi gwneud gwyrthiau rhyfeddol ar ei ran. Gyda’i wyrthiau roedd wedi llwyddo i dwyllo y bobl hynny oedd wedi’u marcio gyda marc yr anghenfil ac wedi addoli ei ddelw. Cafodd yr anghenfil a’r proffwyd ffug eu taflu yn fyw i’r llyn tân sy’n llosgi brwmstan.