Àwọn Ẹsẹ Bíbélì Tí Ọ̀pọ̀ Èèyàn Mọ Matíe 14

Pín

Mà cémʋ́ ɔ́ yɛ́ vʋ̀vɔ̀lʋ̀ɔ̀ lé ʋ́ ka fɩ́ a, ŋanɩmɛ yilo kʋ́, ɩ́ nɩ lé ɔ́ cíe dʋadʋ́ kʋ́, bhè ɔ́ bhɩa wɔlɩ́: «Kanyɔɔ̀, yi mɔ́ɔ kʋ́!» Lé Zozíi fa sɔɔ́ lé ɔ́ bhlio kʋ́ lé ɔ́ srʋ ɔ́ mà: «Nà fádùò nɩ́ zù, lɛ́gbá kʋ̀ʋ bhè nà duo nɩ́ plɩ́ à?»

Mà cémʋ́ ɔ́ yɛ́ vʋ̀vɔ̀lʋ̀ɔ̀ lé ʋ́ ka fɩ́ a, ŋanɩmɛ yilo kʋ́, ɩ́ nɩ lé ɔ́ cíe dʋadʋ́ kʋ́, bhè ɔ́ bhɩa wɔlɩ́: «Kanyɔɔ̀, yi mɔ́ɔ kʋ́!»

Bhʋ́ Zozíi sa né, ɔ́ anɩ́: «A ŋwʋ́ mɔ̀ɔ di mà mɔ́ɔ kʋ̀ʋ, ŋanɩmɛ ná bhlá amɔ!»

Bhè Pɩ́ɛ́lɩ sa né ɔ́ anɩ́: «Kanyɔɔ̀, mɔ̀ nɩ̀ kʋ̀ cícása ʋ́ a, nɩ lé ká sáà nyɩ́é klʋ́ námnɩ lé ká mɔ̀ mʋ́ yi.» Zozíi anɩ́: «Yi!» Lé Pɩ́ɛ́lɩ wlʋ́ gɔ́lʋ́ɔ́ a mnɩ́ lé ɔ́ kwlíi nyɩ́é klʋ́ lé ɔ́ náa lé ɔ́ mʋ Zozíi mʋ́.

Mà Zozíi a kʋjɩ̀nyʋ̀àà ànàà kʋ̀ la gɔ́lʋ́ɔ́ a mnɩ́ a, á sra Zozíi a drɩ̀ koti sá lé á srʋ ɔ́ mà: «Lagɔ a Yuwliyʋ mɔ̀glʋ̀ ɩ̀ ŋwɔ́ɔ cícása!»

Zozíi anɩ́: «A nɩ́ ka dá mʋ, amɔ mɔ̀glʋ̀, a nyɛ́ á lelilɩ!» Mà á srʋ ɔ́ mà: «Flɔ́ɔbhi gbɩ́ lé zrìyuo sɔ́ cɩ́ɩ́n mɩ́ à kà.»

Zozíi anɩ́: «A la mɔ́ɔ mɩ́ dɛ́.» Lé ɔ́ srʋ nyʋa fɩ́ɛ́ mà a plɩ́ɩ pitíé jɩ̀ a bɔ́bɔ̀ sá, lé ɔ́ bhá flɔ́ɔbhié gbɩ́ɛ́, lé zrìyuó sɔ́ɔ́, lé ɔ́ gbláa lagɔɔ́ yɩ́ lé ɔ́ bhibhiè lé ɔ́ pá yúó. Lé ɔ́ dédìè flɔ́ɔ mʋ́, lé ɔ́ nyɩ́ʋ́ ɔ́ kʋjɩ̀nyʋ̀àà a ká nyʋaá fɩ́ɛ́ à kʋ̀ jrè gɔ̀ a, bhábhà, a ná jie nyɔ kʋ́.

Nyʋa fɩ́ɛ́ li lé á lʋ, lé flɔ́ɔ ʋ̀ ji kʋ́ lé á fa a, ʋ́ yie papɩ́ a kʋ́gbá sɔ́.