Àwọn Ẹsẹ Bíbélì Tí Ọ̀pọ̀ Èèyàn Mọ MATHIEX 24

Pín

Kheu pa ang khaw ang jiet baox nie lih koe, krax moh krax rhawm pui tom nie tak sang iak hu heue. Viang mawh nan pui pa kaux cong tom sidah, tak sang pon krax taoh heue.

Lox bwan gaux rhawm pa dex dawd mai Meung An, tak sang sidiex gau piang haktiex khawmuik, sonsang mawh mhai jhi ka ceu pui khawmuik mai khaix an bawg yam sidah tak sang hoek heue.”

Pex tak mhong grawng naing mai lox susiah grawng naing heue. Rien rhawm tix son ang pex sang khi rhawm ka, kheu ceu in tak sang mawh, viang mawh nan ang nyang bax mawh bawg yam sidah heue.

Mawh kheu pui tix ceu mai tix ceu, tix meung mai tix meung tak puing paox tix mai praix tak sang sibhawm, saux preng tak sang lih mai tuk kla reem tak sang tuk dah dee tom nie heue. Viang mawh nan ceu in khawmuik mawh pa jah tix kha rhawm awm bun jah tix saux yam sang keh heue.

Raoma mai haktiex tak sang grai, viang mawh nan gumlox Aux, tak ang grai heue.”

Kheu pui tom nie tak sang hoek mai ceu kaux Aux ah nin, Aux mawh Khrit heue. Tak kieh pui tom nie lud krax lawng tix heue.

Bawg yam an, kix tak sang teei ti tawx pex sonsang kha pex pa tuktiak mai tak sang teei pex yum mai pui kuceu khawmuik tak sang koeng ka pex, kheu ceu kaux Aux heue. Yam an, pui tom nie tak sang goh grhup mai teei ti tawx ka paox tix mai koeng ka paox tix, tix kaux lai tix kaux heue. Cao jhai pa ang mawh meh tak sang lih koe tom nie mai tak jeeh nyaw ka pui tom nie heue.

Yesux pawk lox ah nin ka kix, “Kheu son ang pui sang kieh krax lawng pex lud, rien rhawm tix kah heue.

Mawh kheu nan pex kawx rien rhawm tix, kheu daux bawg yam ang pex ce, Kawn kawn pui tak sang hoek heue.”

Mawh kheu nan rien rhawm pex, kheu pex ang tawng bawg yam singaix sang hoek Simiang pex heue.

Singaix mai bawg yam an ang pon tawng tix kaux kawx, pie kawncau Siyiex meung raoma khankix kawx ang tawng. Kawn Cao kawx ang tawng, mawh Keeing Cao tix kaux khaing pa tawng heue.

Khrit pa ang mawh meh khankix mai cao jhai pa ang mawh meh khankix tak sang lih hoek mai plak jhi mhai mai ceu pa daox deng ceu pa kied ting, sonsang pon nyaw glaw ka pui hu krax lud, phan chix tix, ka pui pa hoik laug Siyiex kawx heue.

Singaix pa tak sang deeh hoek Kawn kawn pui, tak awm bawg yam singaix Noax khankix heue. Hoik awm ka singaix kheem rawm khankix, tom hoek singaix laig Noax ka daux nyiex reu ting, kix ih mai nyaux, teei mex, teei moeng mai teei ti tawx paox tix heue. Kix ang tawng tom haok huan rawm mai sibloe kix hu khawmuik heue. Awm an, yam hoek Kawn kawn pui tak sang mawh nan heue.