Àwọn Ẹsẹ Bíbélì Tí Ọ̀pọ̀ Èèyàn Mọ Mateos 18

Pín

Meꞌ vajmuꞌyaij yụ́siꞌcheꞌ tịj jụijyaꞌ miꞌin, meꞌ tsanꞌ juñucsiꞌ mọmoꞌ miꞌin, muꞌyaꞌ yụ chimeꞌ penꞌdyetuyac.

Chimeꞌdye yụ jéyac, päräꞌ miꞌin úchety miꞌin vaj cäts dyijyi jụijyaꞌ miꞌin cọdyetinte Jenꞌ, yụ́tyiꞌ Jenꞌ mạyedyeꞌchety, muꞌ raꞌ jụjbunac cọdacdyeꞌ miꞌin.

Chat qui Jesús yirity fayete miquity, muꞌinsiꞌyaꞌ vej yụꞌte Jesús. Chat qui jéyacsi muꞌ: —Yụ anic jéyac, jemoñeꞌ camanꞌ dyijyeban miꞌin jeñej yirity dyijyi miquity, jam jụijyaꞌ meꞌ miꞌin, jam raꞌ junꞌ siti miꞌin ayoꞌbuꞌyedyeꞌĉan Jenꞌsiꞌ muꞌ.

Tyi chuc ọyaꞌyaꞌ jéyaqui ĉụiꞌsiꞌ dyijyedyeꞌ muꞌ jeñej buꞌyi uts miquity q̂uinꞌ, muꞌ raꞌ mujuꞌchaꞌ buꞌyi ayoꞌbuꞌyedyeꞌĉan Jenꞌsiꞌ muꞌ.

Tyi chuc yụ́dyes tiĉunꞌte yirity anicjintyiꞌ yụ, yódyemꞌ uts miquity q̂uinꞌ u, yụ́dyemꞌ tiĉuñin yụ in.

Yụ jéyac, jedyeꞌ chuc ñucjetiñeꞌ jacches jụijyaꞌ miꞌin, mọꞌ aty ñucjeꞌ Jenꞌ mạyedyeꞌcheꞌ, jedyeꞌ chuc dajjetiñeꞌ jacches jụijyaꞌ miꞌin, mọꞌ aty dajjeꞌ Jenꞌ mạyedyeꞌchety.

Chimeꞌdye jéyacsi Jesús: —Chimeꞌjinacdye raꞌ yụ́tyiꞌ Jenꞌ mạyedyeꞌchety räj miꞌin, yejĉoij dyijtucsebiban vojitysiꞌ juchaj jụijyaꞌ miꞌin. Mọꞌdyes jam raꞌ junꞌ dyijtucsebi miꞌin juchatunactyiꞌ jụijyaꞌ in.

Därsiꞌ raꞌ vaꞌtacdyeꞌ cạiꞌ in tyi chuc jiꞌjuchayacsity in muꞌin anicjintyiꞌ yụ in, meꞌ tsanꞌ miquity. Meꞌtyity raꞌ in damꞌdye jämꞌ turuꞌjeyeyac mij därtyiꞌ tujĉan muꞌin, chat qui raꞌ vaꞌcac marĉan in.

Jeshaꞌ yirity muntyiꞌ meꞌchuiꞌtyiꞌ yiriꞌ cien oveca jụijyaꞌ, montaqui jụijyaꞌ yiris oveca, ¿junꞌ buty raꞌ muꞌ? ¿Jam buty raꞌ farajjeyacsetaqui chum mọꞌyaꞌ in mọꞌin arajtac quiꞌtac arajtac jiyis oveca in, paj qui quevjanꞌ mọꞌ moñis oveca?