Àwọn Ẹsẹ Bíbélì Tí Ọ̀pọ̀ Èèyàn Mọ ወንጌል ዘሉቃስ 11

Pín

ወሶበ አንትሙ እንዘ እኩያን አንትሙ ተአምሩ ሠናየ ሀብተ ውሂበ ለውሉድክሙ እፎ ፈድፋደ አቡክሙ ዘበሰማያት ይሁብ ሠናየ ሀብተ መንፈስ ቅዱስ ለእለ ይስእልዎ።

ወአነሂ እብለክሙ ሰአሉ ወይትወሀበክሙ ጐድጕዱ ወይትረኀወክሙ ኅሡ ወትረክቡ።

እስመ ኵሉ ዘሰአለ ይነሥእ ወዘሂ ኀሠሠ ይረክብ ወለዘሂ ጐድጐደ ይትረኀዎ።

ወይቤሎሙ ሶበ ትጼልዩ ከመዝ በሉ አቡነ ዘበሰማያት ይትቀደስ ስምከ ትምጻእ መንግሥትከ ወይኩን ፈቃድከ በከመ በሰማይ ከማሁ በምድርኒ።

ኅድግ ለነ አበሳነ ወጌጋየነ ከመ ንሕነኒ ንኅድግ ለዘአበሰ ለነ ወኢታብአነ እግዚኦ ውስተ መንሱት አላ አድኅነነ ወባልሐነ እምኵሉ እኩይ።

ሲሳየነ ዘለለዕለትነ ሀበነ ዮም።

ማኅቶቱ ለሥጋከ ዐይንከ ውእቱ ወአምጣነ ዐይንከ ብሩህ ውእቱ ኵሉ ነፍስትከ ብሩህ ውእቱ ወእመሰ ዐይንከ ሐማሚ ውእቱ ኵሉ ነፍስትከ ጽልመት ውእቱ።

ወአልቦ ዘያኀቱ ማኅቶተ ከመ ያንብራ ውስተ ምኅባእ ወእመ አኮ ታሕተ ከፈር ዘእንበለ ዲበ ተቅዋማ ከመ ይርአዩ ብርሃነ እለ ያንሶስዉ።