Àwọn Ẹsẹ Bíbélì Tí Ọ̀pọ̀ Èèyàn Mọ काम 5

Pín

जणा पतरस अर दुसरा भेजेड़ा चेला बोल्या, “मिनखऊँ पेली परमेसर की बातनै मानबो जरूरी ह।

बे रोजकी मनदर अर मिनखा क घरा म सीखाता अर चोखा समचार को परचार करता कोनी थक्या क ईसुई मसी ह।

जणा पतरस बिऊँ बोल्यो, “हनन्या तेरा मन प सेतान कंय्यां कबजो कर लिओ क तू जमीन क बिकबाऊँ मिल्या पिसा म सक्यु राख'र पबितर आत्माऊँ झूठ बोलगो। बेचबाऊँ पेली इ जमीन प तेरोई हक हो अर बिकबा क पाछै बी बिका दाम तेराई हा। जणा पाछै तू तेरा मन म आ बात क्याले घड़ीं? अंय्यां कर तू मिनखाऊँ नइ पण परमेसरऊँ झूठ बोल्यो ह।” आ सुणताई हनन्या पड़गो अर पड़ताई पिराण तज दिआ। अर जत्ता बी आ सुणी अर देखी बा सगळा म डर बड़गो।

जणा म खेऊँ हूँ इमै टांग मना अड़ाओ अर आ मिनखानै खुला छोड द्‍यो क्युं क ओ काम ज मिनख कानिऊँ ह जणा अ सगळा मतैई मिट ज्यासी। पण ज इमै परमेसर की मरजी ह जणा थे आनै कोनी रोक सकोगा। कदै अंय्यां नइ होज्या क थे परमेसरऊँ लड़बाळा बाज ज्याओ।”