Àwọn Ẹsẹ Bíbélì Tí Ọ̀pọ̀ Èèyàn Mọ Mateyu 7

Pín

“Pemphani, ndipo kupaskikenge kwaku imwe; lembeni, ndipo musaniyenge, gong'askani, ndipo kujurikiyenge imwe.

Chifukwa yose wakupempha waronde; wakulembe wasaniya; ndipo ku wakugong'oska kujurikiyenge iyo.

“Viyo yose yo watuvwa mazu ghangu ghenagha, ndi waghachita, walinganizgikenge ku munthu wazeru, mweniyo wanguzenga nyumba yake pa jarawe

Viyo vyose vyo mungakhumba kuti ŵanthu ŵachitiye imwe, namwe so muchitiye iwo kwakulingana: chifukwa chenichi nchilangulu cho ndi ŵamchimiwo.

Chifukwa ndalifyakafyaka likomo, ndipo njifinyi nthowa, yakurongozge ku umoyo, ndipo mbamanavi ŵakulibowozga.

“Sereni mu likomo lalifyakafyaka: chifukwa ndikuru likomo, ndipo njisani nthowa, yakurongozge ku wanangiku, ndipo mbanandi ŵakusere mwaku lo.

Viyo asani imwe chingana mwe ŵaheni, muziŵa kupaska mipasku yamampha ku ŵana ŵinu, na uli ukongwa Auskemwe ŵakuchanya ŵapaskenge vyamampha ku ŵakuŵapempha?

“Mungeruzganga cha, alinga kuti mureke kweruzgika. Chifukwa ndi cheruzgu cho muteruzgiya, mweruzgikiyenge chenicho, ndipo ndi mweso wo mutese, kwesekiyenge imwe ndi weniwo.

Ndipo yose wakuvwa mazu ghangu ghenagha, ndi ngwakuwura kughachita, walinganizgikenge ku munthu wakupusa, mweniyo wanguzenga nyumba yake pa mchenga

Ndipo ulereskiyanji kachipandi kamu jiso la mbali wako, kweni munthambi wamu jiso lako kuti utiwupima cha? Pamwenga ungamunene uli mbali wako, Aka, ndituzgemo kachipandi ko mu jiso lako; penipo munthambi we mu jiso lako?

“Cheŵani ndi ŵamchimi ŵatesi, ŵeniwo ŵatuza kwaku imwe mu kavwaridu kamberere, kweni mukati ndi mphumphi zakufyonkhonyo. Pa vipasi vyawo muŵaziŵenge. Kumbi ku minga ŵanthu ŵapontho mphereska, pamwenga nkhuyu ku ŵakankhandi?

Viyo chimuti chose chamampha chipasa vipasi vyeneko; kweni chimuti chakuwo chipasi vipasi viheni.

Kuti chiziŵa cha chimuti chamampha kupasa vipasi viheni chingana nchimuti chakuwo kupasa vipasi vyeneko.

Chimuti chose chakuwura kupasa chipasi cheneko chitemeka, ndipo mu moto chipong'eka.