Àwọn Ẹsẹ Bíbélì Tí Ọ̀pọ̀ Èèyàn Mọ Mathiu 24

Pín

Ɔwa mȧbɔthǝr ma agbȧthi mǝ tǝ gbǝnkɛ pǝkasifɛ mǝlǝs mǝ tǝ bȧrnɛ gbo. Kɛrɛ ɔwe mǝ muyu haŋ ka ɔthalnɛ, kɔnɔ kati ɔ tǝ kisi.

Ɔwa ȧkɛra kǝfinɔ ka rȧbȧy ake-e, a ba kǝtamǝs ki ka ȧdȧru bɛ ta mǝseri ka tǝbona bɛ. Kǝdarǝŋ kati ɔthalnɛ ɔ der tɛnɛ.

Ɔwa nǝ tǝ tǝl ta tǝtim yi tibari ta tǝtim, kɛrɛ ta pǝ te sɔmpa nu kotȧy-e mȧtȧy ame bɛ mǝ ba kǝyɔnɛ. Kɛrɛ ɔlǝpsɔ ɔ tha bek hɛ.

Abona aŋ tǝ yokar abona, rǝbai rǝ tǝ yokar rǝbai, dor rǝ tǝ yi, afithina ŋa tǝtu dɛ yi kǝyɛr ka ȧŋthɔf rǝ dɛr ɔgbaskɛ gbaskɛ. Kɛrɛ mȧtȧy ame bɛ mǝ yi gbo ɔtǝpɛr wa ȧŋsɔmpanɛŋ.

Ȧkȧriyana yi ȧdȧru ɛ ba kǝthas, kɛrɛ ȧsim ta mi tǝ ba hɛ kǝthas.

kotȧy-e agbȧthi aŋ tǝ der ka ȧŋes a mi, aŋ tǝ pa, Minɛ yi ɔKrayst, ɔwa aŋ tǝ yɛthǝs agbȧthi.

Ka ȧŋlɔkɔ ŋati a tǝ lȧnki nu rǝ asɔmpanɛ, a tǝ dif nu, ɔwa tǝbona bɛ tǝ tǝ gbɛŋa nu salata ȧŋes a mi. Ɔwa afǝm agbȧthi aŋ tǝ pǝnthbǝla, aŋ tǝ sɔndanɛ, ɔwa aŋ tǝ gbɛŋanɛ. Ɔwa anȧbi ayem agbȧthi aŋ tǝ yokanɛ, aŋ tǝ yɛthǝs agbȧthi.

Ka Yisɔsȧŋ ɔ wosa ɔ pa ro rɔŋaŋ, Botnɛ nu kȧmȧ wuni o wuni ɔ te nu yɛthǝs.

Tiyȧŋ yi nu a bɛnɛnɛ kotȧy-e ka ȧŋlɔkɔ aŋa mǝ nǝ te nanɛ ɔWan ka wuni ɔ tǝ der.

Tiyȧŋ, kǝlɛnɛ nu, kotȧy-e nǝ tɛ hɛ ȧŋlɔkɔ ɔMarki ka nu mǝ ɔ der.

Kɛrɛ ta ȧŋrey ŋati yi ȧŋlɔkɔ ŋati wuni o wuni ɔ tɛ hɛ, hali aŋmȧleka ŋa ro riyana, thalɔm ɔWan. ƆKas kȧmi son kɔnɔ tȧrȧ.

kotȧy-e aKrayst ayem yi anȧbi ayem aŋ tǝ yokanɛ, aŋ tǝ tɔri ɛmisali ɛbana yi mətȧy mǝkabanɛ, kȧmȧ a yɛthǝs aŋthith ŋa Kuru bepi pǝ fɔi tȧy.

Ɔwa mɔ mȧrey ma Noaȧŋ mǝ sa yi-e, ya mǝ pǝ kȧl sɔ yi ka kȧder ka ɔWan ka wuni. kotȧy-e ka mȧrey mati ama yi yeŋka ȧmȧnt mǝfɔl mǝ der, aŋ di-o, aŋ mun-o, aŋ nantȧ-o, aŋ sɔŋ tǝnantǝ haŋ ka ȧŋrey aŋa Nowaŋ ɔ wɔŋ ka ȧŋbil. Ɔwa aŋ tɛ hɛ ti haŋ ȧmȧnt mǝfɔl mǝ der, ɔwa mǝ dim ŋa bɛ; ya mǝ pǝ yi ka kȧder ka ɔWan ka wuni.