Àwọn Ẹsẹ Bíbélì Tí Ọ̀pọ̀ Èèyàn Mọ RUMA 3

Pín

Paring ulun jari bodusa tutang jajong tahkan Pohotala ijo kani monyolamatoh iro. Tihkas tului pononganasi Pohotala ijo tonongaoh honong cuma-cuma, hokohihco ulun umba Pohotala monjadi pios hoduli, caraoh iorih; ulun tonoliwusoh bain Kristus Yesus.

Ijo Pohotala nonga jalan ahkan ulun hokopios umba Io, tihkas amat ulun porocaya umba Yesus Kristus. Pohotala nguan hal orih ahkan paring ulun ijo porocaya umba Kristus; tului eam aro kobohkoioh.

Pohotala noparahpah Yesus Kristus, mangat honong popahtoi-Oh rih ulun tongorimahoh ius boliwus tahkan kosalaioh, amat iro porocaya umba Io. Pohotala nguan angkodorih ahkan ngorinah koadilan-Oh. Tului ang wayah ijo houn Pohotala ius nyolenankosabar ngindoi, toharep dusa-dusan ulun. Nyiring Io eam mohukum iro. Tahpi huntuh Io botindak toharep dusa-dusan ahkan ngorinah komorong-Oh. Umba cara orih Io pokarahoh ijo arop-Oh morong, tutang nyinong ulun ijo porocaya ahkan Yesus, ponokarah-Oh kolou ulun ijo jari hokohinut hoduli umba Pohotala.

Tului earo ihcobehti ka ahkantou hokopios umba Pohotala, bain tului ulun rih, nguan hal-hal ijo sombang aang hukum agama. Podahar hukum rih tihkas pokarah ahkan ulun, ijo ulun bodusa.

Kolou ijo tonyurat ang Surat Borasih, ‘‘Eam aro ihcobehti ka ijo morong, earo ihcobehti ka ijo horahti tutang earo ihcobehti ka ijo nyembah Pohotala. Paring ulun ius ngonyajongoh arop tahkan Pohotala; paringoh jari lacat. Earo ihcobehti ka nguan ijo tu'u; ihcobehti ka eam!

Kotului koputusaioh koloutuh: Ulun bokorinah jari hokohinut hoduli umba Pohotala, eam tului Io nguan inon ijo tomihtik a'ang hukum agama Yahudi, molekan tului Io porocaya umba Yesus Kristus.

Puna eam! Tului tarangrih Pohotala toturus morong, oluka nyinong ulun ngobalik. Luwang Surat Borasih, tonyurat, ‘‘Konohuang-Oh ihko bobukti morong a'ang inon ijo ihko ngohawotoh tutang ihko manang aang ohkot ihko ponosara.’’