Àwọn Ẹsẹ Bíbélì Tí Ọ̀pọ̀ Èèyàn Mọ Mark 12

Pín

Jisas yaklau nangnitlana: —La balna bitik pasyakat tatuna kidika laih adika ki: ‘Dakah, Israel: mayang maPapangki laih aslah Dawan kamanah ki. Man Papangma Dawan yakat dalani kaltalah ismang bitik, sangmaka bitik, sinsma bitik dawak parasma balna bitik kau bik.’ Dawak usnit kidika laih adika ki: ‘Man wanaihma yakat dalani kaltalah sihm man muihma kapat.’ La as bik nuhni kalkulna diski adika balna karak dawakat.

Bahang Jisas yaklau disainipil balna yakat diyulwakat aiwak, aput diyulna: —Barangni manayultayang tingmak yal minikunni adika kauh nuhni āna, muih ūk balna baks yakat lalah ahawa kidika karak dawakat; Bahang witingna bitik kau laih lalah mahni minittang bayak duduwa yakaupak ahawi, kaunah yal adika laih minikunni pasyakat, witing kaswi sangka atnin dini duwadai kidika bitik palni āna.

Wat as kat Jisas witing minitdis kalanin dini ānin baksni balna kidika muhnityakat yalahna talwasakdai, kidika baks balna yakat muih balna yaklau amput lalah ahawadai kidika. Di duyang muihni balna mahni kidika laih lalah mahni ahawadai. Kidika minitni yakat tingmak yal minikunni as kiunadai, dawak baks balna kidika kaupak as yakat bras lalahni dadasni binina bu āna dai, kidika lalahni laih dibindauh palni kalkulna dai.

Dawak Papang yakat isning bitik, sinsni balna bitik dawak parasni balna bitik dalani talnin kidika dawak wanaihni yakat sihm witing muihni kapat dalani talnin kidika balna kauh nunuhni ki, sakripais karauni kauna buswa kidika, dawak sakripais busnin pāni yakat sakripais buswa balna bitik karak.

Bahang Jisas yaklau diyulna: —Bahang king nuhni dini kidika kalatanauh dawak Papang dini kidika Papang yakat kalatanauh. Dawak biriwi diyulwa kidika yamni dakakana dai.